A Escola Galega de Adestradores da Real Federación Galega de Fútbol continúa co seu compromiso de actualización de técnicos de Fútbol e Fútbol Sala e agora pon en marcha un curso federativo intensivo de Monitor de Fútbol Sala que terá lugar na localidade de Dumbría.
A actividade formativa celebrarase nas instalacións municipais de O Conco desde o 29 de febreiro ata o 4 de maio durante os sábados de 9 a 14 horas.
A inscrición para este curso xa está aberta e debe facerse online a través da seguinte ligazón: CURSO MONITOR DE FÚTBOL SALA EN DUMBRÍA
Podedes consultar a CONVOCATORIA do curso na convocatoria que se adxunta xunto con esta noticia.
Presentación
Na presentación oficial do curso que tivo lugar este luns estiveron presentes Iván Pequeño, concelleiro de Deportes de Dumbría, Iván Cancela, presidente do Comité Galego de Adestradores e director da Escola Galega de Adestradores, Manolo Corredoira, delegado da RFGF na Coruña e na Costa e Fran Toba, coordinador do Fisober FS.
