A Primera División do FutSalFem da RFEF ten un novo duelo de rivalidade galega esta xornada e terá cor laranxa. O Viaxes Amarelle FSF recibe no pavillón Municipal da Sagrada Familia na Coruña ao Pescados Rubén Burela FS a partir das 19:00 horas. No resto de cruces de conxuntos galegos está o ENCE Marín Futsal que visita a en Murcia ao LBTL Futsal Alcantarilla ás 18:00 horas; o Poio Pescamar recibe ao STV Roldán ás 18:30 horas; e porá o punto e final á 12ª xornada de liga para os conxuntos galegos o Ourense Envialia que xoga na cancha do Rayo Majadahonda AFAR 4 FSF a partir das 20:00 horas.
Logo da disputa do partido de oitavos de final da Copa da Raíña do martes, o Viaxes Amarelle FSF regresa á liga regular e faino cun novo derbi galego, esta vez recibindo ao Pescados Rubén Burela FSF. Logo da disputa desta eliminatoria na competición do KO estarán na fase final como representantes galegos o equipo da Mariña mailo ENCE Marín Futsal.
O conxunto herculino que adestra Jorge Basanta chegou á Coruña na tarde do mércores, despois dun intenso partido fronte ao Gran Canaria Teldeportivo FSF de Copa de SM A Raíña FS, e tras ter este xoves como xornada de descanso; as xogadoras adestraron o venres, para poder preparar un novo derbi galego na competición da regularidade.
🖋️📰🏆⚽️🧡 INTENSIDAD SIN GOL ‼️
La primera derrota del @amarellefsf en casa del @Teldeportivo, deja fuera de la Copa de SM La Reina a las gallegas (2-0)#futsalFemenino #VoltarPraQuedar
📷 Fotografías @Teldeportivo 🙏
👉 más info en https://t.co/3UMmWtc1So pic.twitter.com/pOKPltML7H
— Viaxes Amarelle FSF (@amarellefsf) December 6, 2022
O rival que estará enfronte para o conxunto herculino do Viaxes Amarelle FSF, é o Pescados Rubén Burela FSF que actualmente ocupa a segunda posición da táboa xeral na Primera División do FutSalFem da RFEF con 30 puntos, colleitados froito de 10 vitorias e unha única derrota.
Van once partidos e as da Mariña so se permitiron un tropezo nun rifado enfrontamento contra o primeiro clasificado, Futsi Atlético Navalcarnero, líder invicto da categoría. As xogadoras que adestra Julio Delgado suman 64 goles a favor, e encaixaron 19 tantos en contra. As lucenses levan unha tempada espectacular, onde acumulan vitoria, semana tras semana.
Os cruces de pretempada non caeron do lado do Amarelle
Nesta nova tempada ambos os conxuntos coruñés e lucense enfrontáronse en dous partidos amigables de pretemporada. Ambos os partidos resoltos con vitoria para o Pescados Rubén Burela FSF por marcadores de 2-0 e 2-4. Así que os antecedentes máis inmediatos non son favorables ao Viaxes Amarelle FSF.
LUME con todo!🔥
👇Aquí están as #GuerreirasLaranxas que se enfrontarán esta tarde a @amarellefsf!
Podedes seguir o partido na @TVGalicia 2⚽️@antipg8 #futsal #futsalfemenino #burelafs pic.twitter.com/c1uL3S4HFS
— CD Burela FS (@burelafs) December 10, 2022
O conxunto herculino tratará de sumar puntos contra un rival, que a pesar da súa posición actual na táboa, aspira a estar nunha zona cómoda da táboa e pelexar por metas máis altas.
Sobre as coruñesas do Viaxes Amarelle FSF a futbolista internacional do Pescados Rubén Burela FS, Irene Samper, manifestaba na previa do encontro que é “un equipo moi competitivo, con xogadoras altísimo nivel e sobre todo moi guerreiras”.
Ver esta publicación en Instagram
Retransmisión do duelo entre laranxas en directo por TVG2 e streaming
O encontro entre ambas as dúas escuadras galegas laranxas será emitido en directo a través da TVG2 e da plataforma de g24.gal. Tampouco faltará á cita a emisión por streaming a través da plataforma da Real Federación Española de Fútbol, e xestionado por Live Vuvuzela; podendo seguir en directo o encontro a través da seguinte ligazón: https://youtu.be/5NeNQAf9FUs.
Viaxe á Alcantarilla para o ENCE Martín Futsal
Na cancha do LBTL Futsal Alcantarilla o ENCE Marín Futsal buscará rañar algún punto. As galegas, undécimas, visitan a pista das sextas. Hai sete puntos de diferencia entre ambos os dous conxuntos. O partido dará comezo ás 18:00 horas no pavillón Jara Carrillo. O ENCE Marín Futsal vai coa moral alta tras acadar o seu pase á final a oito da Copa da Raíña tras gañar 3-6 ao Atlético Torcal na súa casa.
VOLAMOS RUMBO ALCANTARILLA ✈️
⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️https://t.co/nNRftWNUo1 pic.twitter.com/Zrj5S3afxS— Marín Futsal (@marin_futsal) December 9, 2022
Duelo da zona alta entre Poio Pescamar e STV Roldán
Media hora máis tarde, ás 18:30 horas e no pavillón da Seca, empezará o cruce entre Poio Pescamar e STV Roldán. Trátase dun cruce da zona alta. As galegas, terceiras, reciben ás murcianas que son quintas. Sepáranas, eso si, nove puntos. Pero se o STV Roldán non quere perderlle o pé á zona máis nobre da táboa, ten que gañar a un Poio Pescamar que quedou apeado da Copa da Raíña. As conserveiras perdía 5-1 na Estación. O Futsi Atlético Navalcarnero está intratable tanto na Liga como no torneo do KO.
No partido haberá unha recollida de xoguetes solidaria:
Mañá será un gran día na Seca 🤠
– Partidazo contra @RoldanFSF 💪
– Recollida solidaria de xoguetes 🎅
– Sorteos entre aqueles que participen na campaña solidaria 🎲
– Último partido do 2022 como local 🏠
Suficiente para convencervos, non⁉️#PoioPescamar #PoioRoldán pic.twitter.com/mfTQYrKFa7
— Poio Pescamar FS (@PoioPescamarfs) December 9, 2022
Ambos os dous equipos fixeron pública a súa lista de xogadoras convocadas:
CONVOCATORIA 📝
📍 Pavillón da Seca, Poio
🆚 @RoldanFSF | Xornada 12 | 18:30h
Partido patrocinado por Sogama 🌳#PoioPescamar #25AnosDePoioFS #PoioRoldán pic.twitter.com/55ga3B2uZ0
— Poio Pescamar FS (@PoioPescamarfs) December 10, 2022
⚔️CONVOCATORIA
12 jugadoras convocadas por Joaquín Peñaranda para disputar el partido de esta tarde.
🕕 18:30H
🆚 @PoioPescamarfs
📺 @live_vuvuzela
💻 https://t.co/YW3xBzTBv8¡Vamos equipo!💪🧡#SoñemosJuntos #STVRoldan pic.twitter.com/amTBar5rmX
— STV Roldán FSF (@RoldanFSF) December 10, 2022
Visita do Ourense Envialia a un rival en descenso
Antepenúltimo é o posto na táboa que ocupa o Rayo Majadahonda AFAR 4 FSF, rival nesta 12ª xornada para as xogadoras que adestra Mondo. O Ourense Envialia xogará hoxe sábado 10 de decembro a partir das 20:00 horas no pavillón de La Granadilla. O cruce entre galegas e madrileñas pechará a xornada.
No partido de Copa da Raíña o equipo ourensá quedaba eliminado polo FSF Móstoles cun marcador de 2-5. Así que é probable que o bloque de xogadora que adestra Mondo quererá quitarse a espiña quedar fóra da fase final do torneo do KO e gañar con claridade na Liga.
