Dobre duelo galego no cumio ao enfrontarse Cidade de As Burgas vs Viaxes Amarelle FSF e Bembrive vs FSF Castro

A fin de semana do cinco contra cinco galego contará cun dobrete de duelos entre rivais directos na loita polo postos de privilexio na Segunda División do Fútbol Sala Feminino da RFEF, falamos dos enfrontamentos entre Cidade de As Burgas FSF e Viaxes Amarelle FSF. O anexo ao Pavillón dos Remedios acolle a cita mañá, sábado 22 ás 17:00 horas. E o  Bembrive eFSF Castro, no Pavillón Vicente Álvarez ás 19:30 horas.

Debera celebrarse o 5 Coruña FS – Ourense Envialia B pero adiouse. Si terán lugar os enfrontamentos doutros galegos: Valdetires Ferrol FSF mide forzas co Spring Cider Rodiles FSF no Pavillón de Esteiro e o Polideportivo de Arrosadia será escenario do cruce entre UDC Txantrea KKE e A Fervenza FS.

O calendario tiña reservado un dobre duelo A Coruña – Ourense para esta xornada, pero non vai poder ser ao adiarse o encontro que tiña que disputarse na cidade herculina.

Viguesas e lucenses protagonizarán un interesante partido da zona alta da táboa. O Bembrive é segundo e o FSF Castro é cuarto. Están separados unicamente por dous puntos, así que se xogan moito neste cruce. O Bembrive chega a este partido logo de gañar na súa cancha ao CD Promesas EDF por 3-0. O FSF Castro fixo o propio na pista da AD Mioño onde venceiu por 2-5.

Ademais deste cruce, hai que salientar esta xornada un cruce entre descendidos que ansían o retorno á Primeira. O partido entre primeiras e terceiras, é outro duelo no cumio da táboa que protagonizan as galegas do Cidade de As Burgas e Viaxes Amarelle, será un duelo de descendidas que queren voltar á elite.

Para este partido, o técnico das laranxas, Jorge Basanta, citou ás porteiras Sandra Rodríguez e Leti Rojo, así como ás xogadoras de pista: Candela Soria, Patri Romaní, Cris Lourés, Èlia Gullí, Yaiza, Lau Doce, María Gómez, Carlita e Laura Rivas.

Cidade de As Burgas, equipo menos goleado da Segunda

O Cidade de As Burgas FSF que actualmente ocupa a terceira posición na táboa clasificatoria, conta con 25 puntos tras disputar dez xornadas nas que acadou 8 vitorias, 1 empate e 1 derrota. Con estos resultados suma 41 goles a favor, e habendo encaixado 15 goles en contra. Ten un encontro aprazado da última xornada fronte ao Rodiles FSF, por un brote de COVID que xurdiu no conxunto ourensán, e por tanto para elas será o primeiro encontro deste ano 2022.

Os números do equipo que adestra Manolo Codeso, deixan ás ourensás como o equipo que menos goles encaixa no grupo e o cuarto equipo con máis potencial anotador. O Cidade de As Burgas FSF iniciou a competición ligueira cunha derrota en casa, pero tras esa primeira derrota fronte ao FSF Castro, sumou no resto dos seus enfrontamentos, contándoos todos por vitorias, fóra dun empate fronte ao Valdetires Ferrol FSF.

Ata a pasada fin de semana era o máis inmediato perseguidor das herculinas, pero co aprazamento do seu partido da última xornada, o Bembrive FSF pasoulle na táboa clasificatoria.

Os últimos enfrontamentos entre ambas as escuadras remóntanse á pasada tempada, onde ambos os dous equipos loitaban pola permanencia na Primeira RFEF Futsal Feminina. A igualdade foi a nota predominante neses curces que terminaron decidíndose por detalles. Así, mentres que o Viaxes Amarelle FSF conseguía a vitoria na cancha do Cidade de As Burgas FSF por un axustado marcador de 2-3, no partido da segunda volta na cancha herculina, o Viaxes Amarelle FSF salvaba un punto cun gol a falta de 15 segundos para o final do partido.

Polo que atinxe á actitude coa que chegan ao choque, desde o Viaxes Amarelle FSF aseguran que afrontan “nestas dúas últimas xornadas, enfrontamentos importantísimos contra rivais directos” e “tratará de defender” o seu xogo sobre a cancha, para “tratar de seguir sumando puntos cada fin de semana”, e que iso lle permitan  ás coruñesas poder chegar ao obxectivo final: o ascenso.

Nunha entrevista concedida hai unhas semanas, Manolo Codeso, adestrador do Cidade de As Burgas, falaba precisamente deste partido co  Viaxes Amarelle FS e dicía: “Será un partido que marcará o nivel dos dous equipos. Para nós é vital sacar o partido adiante, porque supoñería un extra para pelexar pola primeira praza. Por outra banda, tamén sería unha boa forma de demostrarnos a nós mesmas cal é o nivel do equipo”.

Todos os partidos da Segunda División do Fútbol Sala Feminino da RFEF se disputarán na tarde de mañá, sábado 22 de xaneiro de 2022.

• 17:00 h CD Universidad de Salamanca – AD Mioño Pavillón Universitario Miguel Unamuno
• 17:00 h Cidade das Burgas GLS – Viaxes Amarelle FS Pavillón dos Remedios
• 17:30 h Valdetires Ferrol FSF – Spring Cider Rodiles FSF Pavillón de Esteiro
• 18:00 h UDC Txantrea KKE – A Fervenza FS Polideportivo Arrosadia
• 19:30 h Bembrive – FSF Castro Pavillón Vicente Álvarez

Partidos adiados

• 5 Coruña FS – Ourense Envialia B  Novo Mesoiro – A Coruña
• CD Promesas EDF – CD Gora

CLASIFICACIÓN 2ª DIVISIÓN FUTSAL RFEF

Manolo Codeso: “O obxectivo desta tempada é quedar entre os dous primeiros postos que dan dereito a xogar os play-off”