Para os amantes galego do balonmán da División de Honra Prata o prato forte caía no duelo galego. Ao final a cita entre o Lavadores e o SAR Rodavigo caeu das mans do cadro redondelá. O A.D. Carballal acada a súa terceira vitoria consecutiva na casa ante o líder da competición. Pero aínda queda o partido das porriñenses.
O duelo galego cae no no cadro redondelá
A cita galega do balonmán de División de Honra Prata cae nas mans do SAR Rodavigo por un 27 a 29 que se decidiu nos últimos cinco minutos antes do asubío final. Durante todo a primeira metade o Lavadores estivo por diante cunha renda de dous ou tres goles por riba.
“Na primeira parte estivemos sempre por diante. Dominamos o xogo ata o descanso, que a igualdade xa estivo moi presente. Ao final os pequenos matices decantaron a balanza” dixo para As Nosas, o adestrador do Lavadores, Anxo Otero.
Pero tralo descanso as tornas cambiaron e as de Redondela conseguiron estar igualadas durante todo a segunda metade. “O partido estivo moi disputado, e resolveuse nos dous últimos minutos. A nosa porteira, Ceci, fixo dúas paradas decisivas para darnos a oportunidade de ter balón en posesión e decidir o encontro a falta de sete segundos”, comenta o adestrador do SAR Rodavigo, Elisardo González, para As Nosas.
Na próxima xornada, o Lavadores terá un novo duelo galego. Esta vez irán ao pavillón municipal de Carballal a enfrontarse o A.D. Carballal o sábado (15 de febreiro, ás 18.30 horas). Por parte do SAR Rodavigo viaxarán a comunidade veciña, concretamente a Xixón para enfrontarse o Balonmano Gijón o domingo (16 de febreiro, ás 12.00 horas)
FICHA TÉCNICA
CdeC LAVADORES: Ainoa López, Gemma Martínez, Paula Rey, María Álvarez, Antía Estevez, Laura Piñeiro, Arima López, Lorena Barreiro, Uxía Ferreiro, Eva Costas, Ana Benavides, Ana Rodríguez, Marta Díaz, Ana Isabel Gil e Danizla Liranzo.
SAR RODAVIGO: Adriana Ayude, Sara González, María Pexegueiro, Xeila Fervenza, Marta Rodríguez, Ana Fernández, Tamara Seijas, Lara Patiño, Cecilia Rodríguez, María Eugenia González, Goretti Miguel, Uxia Alfaya, Claudia Kaulback, Estefania Vilas, Lucía Pérez e Nerea Bouzon.
MARCADOR CADA 5′: 5-1, 8-4, 10-7, 12-10, 16-12, 16-16, 19-19, 20-20, 22-20, 23-23, 26-26, 27-29.
ÁRBITROS: Abel Juncal López e Ángel Mateos Alonso.
INCIDENCIAS: Partido correspondente a xornada 19 a División de Honra Prata no que enfrontarou ao CdeC Lavadores contra o SAR Rodavigo no Pavillón Municipal de Lavadores.
O líder cae ante un potente Carballal
O A.D. Carballal impúxose por un 34 a 29 ao Balonmano San José Obrero Lanzarote, o líder da División de Honra Prata. Un partido de moita intensidade no que as galegas foron superiores durante os sesenta minutos.
“Defendimos a medio campo tratando de facer un encontro moi físico correndo e calmando o xogo no noso ataque posicional facendo rotacións durante todo o partido para chegar en boa forma ao final”, dixo para As Nosas, o adestrador do Carballal, Javier Castro.
O principio da segunda metade que parecía que o Lanzarote, empatando no electrónico, iba a acabar a vitoria. Pero novamente as galegas volveu a apertar e saíron coa vitoria, a terceira consecutiva no que vai de liga.
“Nos últimos dez minutos o equipo rival non aguantou o ritmo pese a estar incluso con dúas xogadoras máis de campo e foi o momento no que nos escapamos no marcador”, concluíu Javier Castro.
Novo duelo galego na División de Honra Prata. O Carballal volverá a xogar na casa e recibirá o sábado (15 de febreiro, ás 18.30 horas) ó CdeC Lavadores na xornada 19.
FICHA TÉCNICA
A.D. CARBALLAL: Inés López, Ángela Rodríguez, Uxía Alonso, Laura Rúa, María Portela, Area Martínez, Sofía Otero, Sara Román, Silvia Leiras, María Pereira, Antía Figueiras, Alba Moedo, Antia Seijo, Adriana Mallo, Carla Caride e Patricia Mallo.
BALONMANO SAN JOSÉ OBRERO LANZAROTE: Ana Marín, Esther de Miguel, Melania Cabrera, Nabila Harchaquin, Marta Morales, Cathaysa Rodríguez, Esma Muratovic, Alicia Torres, Diana Martín, Gema Trujillo, María Adiana e Miriam Paez.
MARCADOR CADA 5′: 2-1, 3-2, 6-4, 8-7, 11-10, 13-13, 16-18, 21-20, 22-22, 26-24, 29-27, 34-29.
ÁRBITROS: Beatriz del Valle Encuentra e Patricia del Valle Encuentra.
INCIDENCIAS: Partido correspondente a xornada 19 a División de Honra Prata no que enfrontarou ao A.D. Carballal contra o Balonmano San José Obrero Lanzarote no Pavillón Municipal de Carballal.
