Fin de semana cargado de balonmán da División de Honra Prata. Ningún dos equipos galegos xoga fóra. Ademais contamos cun duelo galego. O Rubensa Porriño recibe o Carballal no municipal o sábado. Rodavigo e Lavadores serán as primeiras e as últimas en competir. As redondelás enfróntase ao Lanzarote-Puerto del Carmen e as viguesas ao Comercial Ulsa Hand Vall.
A Bombenera acolle o partido entre o Rodavigo e o Puerto del Carmen
Encontro difícil a simple vista. As de Redondela reciben sobre a súa pintura ao terceiro clasificado da División de Honra Prata, o Lanzarote-Puerto del Carmen o sábado (7 de marzo, ás 18.30 horas). O SAR Rodavigo está situado na oitava.
“Puerto del Carmen ten un dos mellores planteis da Liga co obxectivo de acadar o ascenso a máxima categoría. Bo lanzamento exterior, moita velocidade no seu xoga e unha portaría excelente”, comentaba Elisardo Gómez, o adestrador das redondelás para As Nosas, sobre o rival desta semana.
O Rodavigo ven de perder na xornada anterior ante o Oviedo Balonmano despois da longa racha de vitorias que levaba. Para esta cita teñen moitas baixas pero intentarar estar a “altura dos derradeiros encontros”. Por parte das rivais, o fin de semana gañaron ante o Palencia Turismo.
DATOS DE INTERESE
DÍA E HORA: 7 de marzo, ás 18.30 horas.
CAMPO: Pavillón Municipal de Redondela – La Bombonera
ÁRBITROS: Raúl López Burgueño e Álvaro García San José.
INCIDENCIAS: Partido correspondente a xornada 23 da División de Honra Prata de balonmán no que enfrontará ao SAR Rodavigo e o Lanzarote-Puerto del Carmen no Pavillón Municipal de Redondela, La Bombonera.
Duelo galego no Porriño
O plato forte para as galegas e os galegos na División de Honra Prata. O pavillón municipal do Porriño acolle o duelo galego entre o Rubensa Porriño e o A.D. Carballal. A cita será o sábado 7 de marzo, ás 20.00 horas.
“A tempada a punto de rematar e os obxectivos marcados para a mesma cumplidos desde fai tempo, o duelo chega nun bo momento. Súbeche a motivación para afrontalo nas mellores condicións”, comentaba sobre a cita o adestrador porriñense, Miguel Sánchez, para As Nosas.
Pola súa banda, as de Carballal saben que Porriño é un equipo que cambia moito. “Esta fin de semana contarán con todas as súas xogadoras. Debemos estar atentos a Alicia e sobre todo as situacións do un para un. No ataque temos que ter coidado con non cometer erros xa que saen moi rápidas ao contraataque”, dicía Javier Castro, o técnico do Carballal, sobre o Porriño.
Miguel Sánchez sabe que será un encontro igualdado: “Emoción e alternativas no marcador. Os pequenos detalles van a ser importantes. Será fundamental o equilibro durante os 60 minutos e demostrar a madurez nos momentos decisivos”.
O Carballal para esta cita chega na sexta posición. Están facendo unha segunda volta con moi bos resultados e desde Porriño saben que vanlles a poñer “as cousas moi difícil obligando a desenvolver o seu mellor xogo”. O Rubensa, sen embargo, atópase na décima posición.
DATOS DE INTERESE
DÍA E HORA: 7 de marzo, ás 20.00 horas.
CAMPO: Pavillón Municipal do Porriño – O Porriño.
ÁRBITROS: Cristian da Silva Barbadaes e Tomás Luis García Álvarez.
INCIDENCIAS: Partido correspondente a xornada 23 da División de Honra Prata de balonmán no que se enfrontará o Rubensa Porriño e o A.D. Carballal no Pavillón Municipal do Porriño.
O Lavadores recibe Comercial Ulsa Hand Vall
O CdeC Lavadores xoga este sábado (7 de marzo, ás 20.30 horas) ante o Comercial Ulsa Hand Vall no Pavillón Municipal de Lavadores. Un encontro entre o quinto clasificado por parte das vallisoletanas e as novenas.
Segundo Anxo Otero, o técnico das viguesas para As Nosas, será un partido moi duro. “O Han Vall é un equipo moi competitivo que teñen moi boas xogadoras pero como sempre vamos a intentar gañar o encontro e competir ata o final“.
As galegas chegan a cita con tres derrotas, a última ante o Rodríguez Cleba, e unha vitoria acada hai dúas semanas. O Comercial, sen embargo, suma dúas vitorias, un empate e unha derrota. Na xornada 22, impuxéronse por 20 tantos ao Balonmano Gijón.
“Elas teñen xogadoras moi desequilibrantes no un contra un. Será moi importante estar fortes a nivel defensivo”, dicía Anxo Otero. Para este partido o adestrador galego segue contando coas mesmas baixas a que se suma Gemma Martínez.
DATOS DE INTERESE
DÍA E HORA: 7 de Marzo, ás 20.30 horas.
CAMPO: Pavillón Municipal de Lavadores – Vigo.
ÁRBITROS: Javier Miranda González e Pablo González Iglesias.
INCIDENCIAS: Partido correspondente a xornada 23 da División de Honra Prata de balonmán no que se enfrontará o CdeC Lavadores e o Comercial Ulsa Hand Vall no Pavillón Municipal de Lavadores.
