Dous dos equipos que representan a Galicia Primera División Femenina de voleibol enfrontaranse entre si esta fin de semana. Son o Calasancias Coruña e o Aceites Abril CVO, que se citarán o domingo, 30 de xaneiro, ás 12:00 horas na pista das coruñesas.
O cadro local, o Calasancias Coruña segue na loita por alonxarse dos postos de descenso. Na fin de semana pasada non foi quen de vencer ao actual líder, o CV Oviedo, nun partido no que non puideron gañar ningún set. Por iso, este derbi galego é de vital importancia para as herculinas.
Tamén o é para as que competirán como visitantes. Na xornada anterior as ourensás correron máis sorte, xa que recibían ao colista, o D’Elhuyar. O partido non foi moi complicado para o Aceites Abril que venceu sen dificultades.
Cunha cuarta posición, o obxectivo do Aceites Abril é o de afianzarse na parte alta da clasificación. Os cinco primeiros clasificados loitan cada partido, xa que a igualdade é a tónica en cada xornada.
O encontro entre os equipos galegos poderá seguirse nas redes de @voleyourense e no Youtube do Calasancias.
Ver esta publicación en Instagram
