- Xornada con sorpresa na Liga Femenina 2. O C.B. Arxil logra impoñerse ao Manresa CBF A (49-53) e faise coa súa segunda vitoria do curso na LF2, mentres que o Maristas Coruña domina e vence con soltura ao Mariscos Antón Cortegada (84-63).
Vitoria do Maristas Coruña no duelo galego da LF2
O Maristas Coruña regresa ao cumio da competición despois dunha solvente vitoria ante o Mariscos Antón Cortegada (84–63), que descendeu ao sexto lugar da táboa. Maristas Coruña e Cortegada chegaban ao encontro como os dous equipos galegos máis sólidos da LF2.
Ver esta publicación en Instagram
O cadro coruñés, líder durante boa parte da tempada e, polo tanto, claro candidato ao título ligueiro, afrontaba o derbi dende unha posición de forza.
Pola súa banda, o Mariscos Antón Cortegada continúa instalado na parte alta da táboa e ofrecendo un xogo atractivo e solvente, o que alimentaba as expectativas dun duelo igualado.
Co pavillón pendente do que sucedese, o partido apresentábase como un dos grandes atractivos da xornada. A condición de favorito recaía sobre o Maristas Coruña, pero o bo momento da AD Cortegada deixaba aberta a porta á sorpresa. Finalmente, a balanza inclinouse do lado das coruñesas, que selaron un sólido 84-63.
O próximo partido do Maristas Coruña, o vindeiro día 25 de novembro ás 18:00 horas conra o Robles Lleida. No caso do Mariscos Antón Cortegada, medirase ao Abril Abda Sanfer, o próximo día 15 de novembro ás 20:00 horas.
Ver esta publicación en Instagram
FICHA TÉCNICA
PARCIAIS: 19-10, 25-16, 15-16, 25-21
EQUIPO ARBITRAL: Pilar Carrasco Pujante e Iago Leal López
INCIDENCIAS: Partido correspondente á sexta xornada da LF2, disputado no Maristas Col. (A Coruña)
Triunfo de valor para o C.B. Arxil (49-53)
No caso do C.B. Arxil o marcador final (49-53) reflicte á perfección o que foi o encontro. O partido estivo moi igualado durante prácticamente todo o tempo, a excepción do segundo cuarto, no que o C.B. Arxil dominou con certa claridade e pechou cun parcial de 2-9.
Esta vitoria supón un balón de osíxeno para o conxunto pontevedrés que, ata o momento, so tiña un triunfo no seu casilleiro de vitorias.
Con todo, as galegas aínda continúan á cola da clasificación, este triunfo pode ser o impulso que precisaba o equipo adestrado por Marina Janeiro para crer nas súas posibilidades de salvar a categoría.
O próximo partido do C.B. Arxil será contra outro conxunto galego, o Maristas Coruña, o vindeiro día 22 de novembro ás 18:00 horas.
FICHA TÉCNICA
PARCIAIS: 17-17, 2-9, 16-12, 14-15
EQUIPO ARBITRAL: Eudald Safont I Agut e Adriá Marco Blaya
INCIDENCIAS: Partido correspondente á sexta xornada da LF2, disputado no Pavelló Nou Congost (Manresa).
RESULTADOS DA XORNADA DA LIGA FEMENINA 2 GRUPO B
- HORBISA SPIRIT GREENKW BARAKAL – ROBLES LLEIDA 53-48
- TNG BASQUET A – SIROKO GIJÓN BASKETBALL 61-74
- SMARTLOG OINNTXE – ABRIL ABDA SANFER 60-67
- MIPPELLETYMAS B.F. LEÓN – IBAIZABAL 58-59
- MANRESSA CBF A – C.B. ARXIL 49-53
- MARISTAS CORUÑA – MARISCOS ANTÓN CORTEGADA 84-63
- TALENOM BOET MATARÓ – ROMAKURUMA U.E. MATARÓ 65-70
