O partido da xornada, con maiúscula, será o duelo galego entre o Celta Zorka Recalvi e o BAXI Ferrol. Este será un encontro moi especial para todas as galegas, pero tamén para determinar o futuro dominador da táboa na Liga Feminina 2. Segundo e primeiro respectivamente, enfrontaranse en Navia o domingo, 13 de decembro, ás 18:00 horas.
Se algo semella claro é que o partido será intenso. Con dous conxuntos que están competindo a moi alto nivel, aguantar os 40 minutos de partido e non cometer erros será a clave para o gañador da cita.
💙🏀 Nuestra semana acaba este domingo por la tarde en Navia….
Nos visita el líder invicto de la categoría 🔥@UniFerrol #VoltanOsLatexos#LaCasadelBasket#CeltaUFerrol pic.twitter.com/SaWYaGBasc— CELTA BALONCESTO 💙 (@Celtabaloncesto) December 10, 2020
O Celta quere demostrar a súa valía
A terceira derrota contra o actual cuarto clasificado, o Osés Construcción Ardoi freaba por momentos na xornada anterior as aspiracións do Celta ao título. Perdendo este partido, as viguesas quedan moito máis igualadas aos equipos que as seguen por detrás, empatando co Miralvalle e a un punto do Ardoi.
Os de abaixo veñen pisando forte e ameazan con quitarlle a segunda posición a un Celta que a leva aferrando desde a terceira xornada. Oito vitorias e tres derrotas deixan ás celestes con 19 puntos, tres por debaixo das invictas ferrolás.
Un BAXI de récord non pode fallar ante o seu máximo rival
O propio Ardoi tamén foi un rival moi duro para as xogadoras do BAXI Ferrol. As navarras foron as únicas que lograron un resultado axustado para ser un partido contra o cadro de Lino López, perdendo só de 10 puntos.
Agora as ferrolás teñen outro reto por diante, ante un conxunto que, atendendo aos números, é o máis indicado para frealas. Coa segunda mellor media valorativa da categoría, o Celta podería impoñerse ao BAXI. Sobre todo se o fai desde a liña de tres, área na que estatísticamente están máis igualadas.
Con todo, o conxunto ferrolá chega con moi boas sensacións e enerxía. Tras marcar máis de 100 puntos ao Maristas Coruña, as de López queren seguir batendo récords e mellorando os seus xa incribles números. Invicto e vencendo con contundencia a case todas as súas rivais.
https://asnosas.gal/o-baxi-acada-a-sua-segunda-mellor-marca-historica/
Leaupepe e Stamenkovic, no punto de mira
Para sumar outra vez dous puntos, as xogadoras que prepara Cristina Cantero deberán frear, entre outras, a Dynn Leaupepe. A alero, estrela do BAXI, foi
a MVP da xornada anterior, nunha espectacular actuación que lle mereceu 38 créditos valorativos. Este dato foi tamén a participación que mellor valoración obtivo en menos minutos (só xogou 22) da historia do club de Ferrol.
Leaupepe foi ademais a máxima anotadora da undécima xornada, con 24 tantos. Dous por debaixo estaba a súa compañeira Irene Gari, unha das mellores da competición.
No lado contrario, a xogadora a vixiar entre as filas do Celta é Maja Stamenkovic. A serbia foi a mellor xogadora do seu último partido, logrando unha valoración de 23 puntos, cinco por detrás da segunda mellor valorada.
A celeste está entre as máximas anotadoras da categoría, cunha media de 13,45 puntos por partido. Algo por debaixo da súa compañeira de equipo, Celia García.
De todas formas, ambos conxuntos destacan polo seu bo xogo en equipo, así que a vitoria dependerá de moito máis que dun par de xogadoras de cada bando. Sen dúbida, será un encontro de moi alto nivel no que o público poderá desfrutar dun bo partido de baloncesto. Sobre o papel todo apunta a que se trata dun partido esixente, xa que o conxunto vigués é un dos candidatos a loitar polo liderado da clasificación e quere ser o primeiro en derrotar ao cadro departamental nesta tempada.
Lino López: “O Celta ten un dos mellores quintetos da competición”
No equipo de Lino López están todas as xogadoras a disposición do técnico, que destaca que “o equipo traballou moi ben durante a semana, salvo un par de sesións que non puidemos facer con normalidade pola condensación do pavillón. Están con ganas de seguir dando pasos adiante”.
En fronte, o cadro ferrolán vaise a atopar cun rival cun obxectivo similar, aínda que xa perdeu tres encontros no que vai de campaña. Lino López comenta que “é un equipo con xogadoras con experiencia na máxima categoría e que conta cun quinteto dos mellores da competición. Sabemos que nos van a esixir e que teremos que dar o noso mellor nivel para poder levarnos a vitoria”.
Lino López, adestrador do BAXI Ferrol: “O Celta é un equipo con xogadoras con experiencia na máxima categoría. Sabemos que nos van a esixir e que teremos que dar o noso mellor nivel para poder levarnos a vitoria”
Na pretemporada, xa houbo un enfrontamento entre ambos os equipos na semifinal da Copa Galicia, en Marín, con triunfo do BAXI Ferrol por dezaoito puntos, nun choque no que non contou con Sune Swart e no que Jenna Allen lesionouse no primeiro minuto.
En canto ás similitudes con aquel encontro, Lino López comenta que “non creo que sexa similar porque a elas tamén se lles lesionou a americana na segunda parte e os dous equipos evolucionaron bastante desde ese momento. Naquel partido non tiveron a Ainhoa Lacorzana, que tampouco vai estar neste cruce e para elas é unha baixa importante”.
Leste será o último desprazamento do ano para o cadro departamental que espera manterse invicto, polo menos, ata o remate de 2020. O duelo non poderá verse en persoa, ao celebrarase a porta pechada en Navia. Con todo, ambas afeccións poderán seguilo a través de Canal FEB.
