O plato forte na Liga Feminina 2 xógase na Malata. O máis importante que está en xogo no duelo galego é as fases de ascenso. O Baxi Ferrol recibe sobre a súa pintura ao Celta Zorka Recalvi. A cita é o sábado 7 de marzo, ás 19.00 horas. Dous planteles moi sólidos cun obxectivo en común: disputar os play offs para estar na Liga Endesa.
O conxunto vigués viaxa ata Ferrol coa intención de quemar unha das súas últimas opcións para manter as esperanzas da clasificación. O adestrador do cadro departamental, Lino López, comenta sobre elas que “é un equipo con moitas xogadoras que poden anotar e que non son nada doadas de parar. É certo que hai catro xogadoras que teñen casi todo o protagonismo”.
Esta semana, neste medio, Ángela Coello, a xogadora do Celta, deixou as súas percepcións sobre o Baxi Ferrol: “E un equipo que ten moita altura e son moi grandes. Ao final, máis que unha xogadora que nos poida facer dano é onde busquen elas as vantaxes”.
“O seu xogo interior témolo que ter moi en conta e ao final, esas xogadoras que veñen de estar nunha boa racha pois temos que controlalas pero o baloncesto é un deporte onde un pode ter un bo día pero hai que defender a todas como se fóran as mellores”, engadiu Coello.
Un para un entre o Baxi e o Celta nesta tempada
Na Copa Galicia, as celestes leváronse a vitoria ante as ferrolás. O que fixo que a espiña quedara cravada para o Liga Feminina 2. Na ida da competición nacional, disputada no pavillón de Navia, o Baxi Ferrol impúxose por un 58 a 64 as viguesas. A dupla formada por Marta Tudanca e Jenna Miller foron as encargadas de endosar 28 puntos.
Xa o avisaba Natalia Rodríguez, que a pesar do un para un que levan ambos equipos, o Celta é un equipo que che pode sorprender en calquera momento. “Son un grupo moi traballador e teñen un bo plantel ademais dunha gran entrenadora como é Cristina Cantero. Entón bueno sempre xogar contra Celta é difícil. Así que a loitar a ver si se gaña”.
O prerarador ferrolá ten claro o obxectivo: “Como facemos sempre, nós imos a centrarnos en mellorar en cada partido e tratar de seguir crecendo tanto en defensa como en ataque”. Agora mesmo encaixaron a primeira derrota do 2020 ante o Laboratorios Ynsadiet Leganés na xornada anterior. Nas ferrolás teñen molestias Suné Swart, Marta Tudanca e Jenna Allen. O que sí, será o debut de Patri Benet na Malata despois da súa fichaxe.
O cadro celeste, sen embargo, suma unha derrota máis. As de Cristina Cantero perderon nas dúas últimas xornadas ante o GDKO Ibaizabal e o Pacisa Alcobendas. Xustamente, despois dunha racha de tres vitorias ante o Patatas Hijolusa, Añares Rioja e Ausarta Barakaldo.
DATOS DE INTERESE
DÍA E HORA: 7 de marzo, ás 19.00 horas.
CAMPO: Pavillón Municipal da Malata – Ferrol.
ÁRBITROS: Iván Escariz Torres e Adrián Álvarez Rodríguez.
INCIDENCIAS: Partido correspondente a xornada 21 da Liga Feminina 2 de baloncesto que se disputará no Pavillón Municipal da Malata entre o Baxi Ferrol e o Celta Zorka Recalvi.
