Estábamos esperando o momento. Esta fin de semana, o domingo (9 de febreiro, ás 11.30 horas) o Polideportivo O Pompeo acolle o duelo galego da Primeira División Nacional de voleibol. O Aceites Abril recibe o Voleibol Bruxas de Bertamiráns.
“Estamos todas bastantes motivadas. Xogar un derbi sempre fainos ver o partido desde un punto de vista moio máis competitivo. Facia tempo que non xogábamos contra o outro equipo de Galicia e a verdade é que collemos este partido con gañas e motivacións”, comentaba para As Nosas, a capitá do Aceites Abril, Gladys.
A cita galega da competión tivo a súa estrea na primeira volta da competición nun partido que concluíu coa vitoria do equipo ourensá por 3 sets a 1. Tamén desmostraron a súa veteranía na competición na que xa xoga a súa terceira tempada.
O equipo do Bruxas é debutante neste torneo e a súa inexperiencia na liga faille ocupar o penúltimo posto polo que puntuar en Ourense sería moi importante para alonxarse dos postos de descenso. O pasado fin de semana ademais gañou na casa por un 3 a 2 ante o Universidad de Valladolid.
Para Gladys, o que máis temen do Abril é o seguinte: “Loitan todas as pelotas ata o final. Non se renden ata que cae o balón ao suelo. Son deste equipos que te acaban sacando un pouco de quicio. Pero con todo iso, contamos con acadar o noso obxectivo, que como xa dixen anteriormente, é levarnos os tres puntos gañando por un 3 a 0 ou un 3 a 1″.
O Aceites Abril, pola súa banda, atópase na cuarta posición da competición. Veñen de locar un triunfo a domicilio en Badaxoz demostrando unha gran melloría no xogo que intentará manter no partido de máxima rivalidade galega. Para este partido, o Aceites só conta coa baixa de Rebeca Kruse. Ademáis recupera a Ania e Xulia. Presenta a un equipo para intentar manterse nos postos altos da clasificación nunha tempada que pode considerarse como éxito.
A peza clave deste conxunto é que “levan tanto tempo xogando xuntas que aínda que non adestremos todo o grupo completo, conseguimos que no campo non se note e que se vexa un equipo moi ben formado. Obviamente temos os nosos altibaixos, pero non nos podemos queixar para pouco tempo que pasamos xuntas”, según a súa capitá.
Nos inicios do encontro, o conxunto da cidade das burgas convidou á Bieito Blanco, a guitarra, e Baldomero Pavón, coa súa voz de tenor, para interpretar o himno galego no momento que presenten ao equipos.
DATOS DE INTERESE
DÍA E HORA: 9 de febreiro, ás 11.30 horas.
CAMPO: Polideportivo de O Pompeo – Ourense.
INCIDENCIAS: Partido correspondente a xornada 15 da Primeira División de Voleibol no que enfrontará ao Aceites Abril CVO contra o C.V. Bruxas no Polideportivo de O Pompeo.
