Duelo de rivalidade galega na LF2 esta segunda xornada de competición. O pavillón de Fontecarmona 2 de Vilagarcía de Arousa acolle mañá sábado 14 de outubor a partir das 19:30 horas o cruce entre o Mariscos Antón AD Cortegada e o CB Arxil. Arbitran o partido os colexiados Iris Díaz Feijóo e Andrés Esteban Domínguez.
Derbi provincial por excelencia para o baloncesto feminino pontevedrés na LF2. Esta será a segunda vez que se vexan as facianas nesta tempada 2023-24. A Copa Galicia xa puxo fronte a fronte a ambos os dous equipos este curso cun resultado de 78-69 para o Mariscos Antón Cortegada. Naque choque foran determinantes xogadoras como Loven con 19 puntos, Stojanovska con 18 e Anja Fuchs con 13.
O Mariscos Antón Cortegada sufriu unha gran variación respecto ao equipo da tempada pasada xa que só quedaron, Ángela Coello, Lorena Castro, Blanca Maniviesa e Ángela González. Áo equipo de Vilagarcía chegaron como reforzos para esta tempada 2023-24 a americana Laure Francesca Loven, a senegalesa Diaw Absatou, a macedonia Aleksandra Stojanovska, a austriaca Robetin Anja Fuchs, a dominicana Katiana, así como as españolas Nerea Arambarri e Iria Losada.
O Mariscos Antón Cortegada enfronta este choque co CB Arxil tras empezar a súa andaina liguera cunha vitoria en Santa Cruz ante o Náutico Tenerife ULL por 46-69. Pola súa parte, o CB Arxil vén de caer na prórroga en casa no seu debut deste curso diante o Miralvalle por 54-62.
Para o CB Arxil será un encontro para mellorar sensacións, para seguir medrando como equipo e non cometer os erros que tivo diante o Miralvalle. No conxunto pontevedrés hai catro novidades positivas: a volta de María Lago, as recuperacións de Meniña que non xogou o encontro de copa, e de Lara e a nova incorporación de Marta Mestre para o CB Arxil Mafari Café e en dinámica de liga dúas.
No conxunto do CB Arxil son conscientes da dificultade do encontro xa que o Mariscos Antón Cortegada confeccionou un bloque de xogadoras moi uniforme e o pavillón de Fontecarmoa vai a ser unha caldeira. As verdes terán que dar o 200 % se queren conseguir sumar algo positivo neste derbi provincial.
