Novo duelo entre galegas na Primeira División Feminina do Fútbol Sala RFEF Subgrupo A nesta tempada 2020 2021. O Ourense Envialia recibe ás herculinas do Viaxes Amarelle no Pazo dos Deportes Paco Paz de Ourense mañá martes 8 de decembro de 2020, a partir das 12:00 horas. É un partido pendente de disputa pertencente á primeira xornada da competición.
Ambos os dous conxuntos galegos volven á cancha de 40×20 este martes festivo, para recuperar o partido aprazado da primeira xornada, e á vez dar por finalizada a primeira volta da primeira fase da competición regular.
Coruñesas e ourensás mídense necesitadas de puntos. O Ourense Envialia FSF, un equipo que inicio a competición coa aspiración, e o plantel necesario, para loitar por estar entre o catro primeiros do grupo, e pelexar polo título de liga, atópase coa realidade de que tras o cinco xornadas disputadas, e dúas aprazadas, atópase na sexta posición con 6 puntos na marcador.
O conxunto dirixido por Morenín suma 10 goles a favor, e 17 tantos en contra; tras os primeiros 5 encontros disputados neste inicio de tempada. En concreto atesora duas vitorias e tres derrotas que o colocan na sexta posición da xeral, cos mesmos puntos que as herculinas; aínda que con dous partidos menos disputados, unha circunstancia que fai que, unha vez máis, a clasificación non reflicta a realidade por mor dos partidos aprazados que se repiten xeira tras xeira nesta tempada atípica marcada pola COVID-19.
O equipo herculino, dirixido por Jorge Basanta, vén de ceder unha derrota en casa do líder; pero cun partido moi disputado. O Viaxes Amarelle FSF non descansou nestes días. Pois tras chegar de madrugada á cidade da Coruña, adestraron esa mesma tarde, e na xornada de luns tiveron nova xornada de adestramento, para poder preparar así o encontro que lle enfrontará este sábado e pechar a primeira volta da primeira fase da competición na Primeira División Nacional Feminina FS.
O Viaxes Amarelle FSF sabe que, neste duelo entre galegas, terá enfronte ten un rival moi complicado. O Ourense Envialia rematou a tempada pasada na terceira posición da clasificación xeral. Este ano as ourensás teñen un equipo para estar no máis alto; polo que conseguir puntuar non será tarefa fácil. Pero desde A Coruña advirten que tampouco queren considerar a tarefa como imposible. As de Basanta saltará á cancha coa intención de poder pechar a primeira volta cun bo sabor de boca.