A xornada 8 da División de Honra Prata Feminina de balonmán terá como prato forte un duelo entre galegas. O CDEC Lavadores, que leva dúas xornadas sen disputar un partido ofical, recibirá ao Rubensa Porriño, que tampouco xogou a pasada fin de semana, mañá sábado,14 de novembro,á s 18:00 horas.
Pola súa banda, o AD Carballal enfrontarase á ao líder, o Lanzarote Zozamas, que ata o de agora conta todos os seus partidos por vitorias. O encontro disputarase mañá no Pavillón Municipal de Candeán ás 17:30 horas.
O único equipo galego que sairá da comunidade é o Sar Rodavigo, que xogará o domingo ás 12:00 horas no Polideportivo Pedro Velarde contra o HBC’74 Avia IEN.
O partido entre o Asmubal Meaño e o Comercial Ulsa Hand Valladolid aprazouse debido a un positivo no plantel das galegas.
