Unha tempada máis o cruce entre Burela e Futsi é, ademais do clásico do futsalfem español, un duelo no cumio da táboa clasificatoria. Dous dos mellores equipos da máxima categoría do fútbol sala estatal mídesen no abofé será nunha festa do cinco contra cinco esta fin de semana.
O Pescados Rubén Burela FS gozará hoxe, sábado 29 de xaneiro, dun novo clásico ante Futsi Atlético Navalcarnero con duelo no cumio da Primeira División da RFEF. A xornada 15 enfrontará en La Estación os dous primeiros clasificados, con 36 puntos para as madrileñas (12 partidos xogados) e 35 para as galegas (13 encontros disputados). A cita, prevista para as 18.30 horas, poderá seguirse en directo por Live Vuvuzela e rfef.es.
Ambas as escuadras chegan ao envite con compromisos aprazados nun inicio de ano de diferente e as mariñás, ademais, terán que tirar de coraxe extra para suplir as ausencias por protocolo COVID-19. “Está a ser un regreso un pouco raro, non adestramos todas xuntas desde hai máis dun mes, é un pouco difícil hai que adaptar os adestramentos, pero estamos a sacalo todo adiante” explicaba Cami.
Cami, futbolista do Pescados Rubén Burela falaba sobre o regreso atípico que está a ter o bloque da Mariña logo do parón de Nadal: “Está a ser un regreso un pouco raro, non adestramos todas xuntas desde hai máis dun mes, é un pouco difícil hai que adaptar os adestramentos, pero estamos a sacalo todo adiante”
Cami foi, precisamente, a autora do 2-1 que deu a vitoria ao conxunto galego a semana pasada ante Leganés FS no último minuto. A futbolista explicaba: “Sufrimos e loitamos moitísimo ata o final. Unha vitoria así e comezando o ano dános aínda máis forza. Sabiamos que ía ser un partido difícil; o gol resistíusenos e puidemos reconducilo con porteira xogadora, algo que traballamos moito”.
Tras os aprazamentos de Copa da Raíña e liga á pista de UA, o Pescados Rubén Burela puido estrear 2022 o sábado pasado en Vista Alegre. O Futsi Atlético Navalcarnero tamén puido recibir o ano sobre a pista, pero non compite desde o 12 de xaneiro, co triunfo fronte a Joventut (1-6); os seus compromisos ante Móstoles e Alcorcón non puideron disputarse por protocolo COVID-19.
Cami, xogadora do Burela Pescados Rubén: ” “Será moi, moi complicado; estamos moi centradas. Temos moitas ganas de xogar; é un clásico, ninguén o quere perder pero teremos ausencias. Temos que manexalo con moita intelixencia“
Despois verse as caras en catro ocasións a tempada pasada agora volven atoparse. 2020-21 deixou repartición de triunfos, cos duelos de liga para as madrileñas e os títulos de Copa da Raíña e Liga para as galegas.
👩🏻💼 CONVOCATORIA | Estas son las 12 jugadoras que se enfrentarán hoy a @burelafs en busca de tres nuevos puntos.
🏟 ¡Os esperamos a todos en La Estación!
🦊🚀💪🏼 pic.twitter.com/GMyAnMVl1c
— C.D FUTSI ATLÉTICO NAVALCARNERO (@futsi_atletico) January 29, 2022
Cami, futbolista do Burela: “O partido co Futsi será moi, moi complicado”
Segundo opinaba Cami, desde as filas do Pescados Rubén Burela este cruce no cumio da clasificación, entre dous dos mellores equipos da categoría, “será moi, moi complicado; estamos moi centradas. Temos moitas ganas de xogar; é un clásico, ninguén o quere perder pero teremos ausencias. Temos que manexalo con moita intelixencia. Esperamos estar ao completo en Supercopa”, explicaba a dorsal número 8 burelista.
Cami facía referencia coas súas palabras a outro gran cara a cara que deparará o destino en menos dun mes ás da Mariña. Será co primeiro galardón en xogo da tempada 2021-22. Falamos da a Supercopa de España. Esa competición estatal terá lugar en Jerez de la Frontera, 26-27 de febreiro de 2022.
