A quinta xornada da Primera Federación Iberdrola coloca fronte a fronte a dous claros aspirantes ao ascenso. Dous conxuntos que visten coma branquiazuis e que teñen nas siglas RCD un sinal de identidade. Na Cidade Deportiva Dani Jarque actuará como conxunto local o RCD Espanyol e como visitante o RC Deportivo ABANCA. As Nosas deportivistas chegan invictas e así queren marchar de terras catalás. A cita é as 11:00 horas e poderá verse pola TVG-2.
Con catro partidos disputados deste curso na Primera Federación Iberdrola o Dépor ABANCA é líderes en solitario con 12 puntos de 12 posibles, con 2 puntos de vantaxe precisamente sobre o equipo espanyolista e sobre o SE AEM.
En rolda de prensa previa ao partido desta quinta xornada da Primera Federación Iberdrola, Irene Ferreras comentou que “imos nunha dinámica moi boa. Estou moi contenta por como se van dando as cousas, con como estamos sobre todo traballando e gozando o día a día”.
Todo o cadro das branquiazuis deportivistas está apto para o partido. De feito, ante os medios de comunicación, a adestradora deportivista dixo que por este motivo está “moi contenta. A verdade é que estamos a ter sorte”.
Asegura que “todas as xogadoras están a traballar moito, está a ser xa cada vez máis difícil elixir convocatorias e once porque teño que recoñecer que as futbolistas que non están a ter tantas oportunidades están a traballar como as que máis e eu creo que estamos aos poucos alcanzando un gran nivel individual de cada unha. E iso repercute no colectivo. Estou contenta de que iso sexa así. Imos tentar seguir manténdoo, que a temporada é longa e daquela todo isto é complicado”.
Elena Vázquez, que a próxima semana participará nuns adestramentos coa Selección Española sub-17, está incluída na lista de 18 futbolistas convocadas.
#ASNOSAS convocadas para o partido da 5ª xornada de #PrimeraFederaciónIberdrola, o #RCDEFemDéporABANCA de mañá ás 11:00 h. en Barcelona (TVG 2). pic.twitter.com/Pp3Qc3OCHe
— Dépor ABANCA (@RCDeportivoFem) October 14, 2023
Pola súa banda, o RCD Espanyol, na súa segunda temporada consecutiva en Primera Federación Iberdrola após caer da liga F, saldou con goleadas os seus dous partidos en casa: 5-1 ao FC Barcelona B e 3-0 ao Athletic Club B.
Esta semana, as branquiazuis espanyolistas levaron un desgusto, ao caer o pasado mércores na segunda eliminatoria da Copa de la Reina co Real Unión Tenerife Santa Cruz Femenino (2-1), co que implica ademáis de desgaste físico debido ao longo desprazamento ás Illas Canarias.
!
Demà, a les 11h, vine a la Ciutat Esportiva Dani Jarque i anima a l’equip
#RCDEFem pic.twitter.com/9EyZqIey65
— RCD Espanyol Femení (@RCDEFemeni) October 14, 2023
En rolda de prensa, Adrián González, técnico do RCD Espanyol, está convencido que o Dépor ABANCA “estará na parte alta da clasificación. É un claro candidato a subir de categoría. É un equipo cunha identidade moi clara, que se relaciona moi ben a través da pelota”. O adestrador das locais desexa un partido “igualado” e pide “ter a personalidade suficiente coa pelota para poder complicarlles”.
️ PRÈVIA | “Hem de tenir personalitat”
El Femení s’enfronta al líder aquest diumenge a les 11h a la CE Dani Jarque#RCDEFem— RCD Espanyol Femení (@RCDEFemeni) October 14, 2023
A adestradora das branquiazuis deportivistas, Irene Ferreras, foi elixida como mellor adestradora do curso pasado
Irene Ferreras, mellor adestradora da temporada 2022-23 na Primera RFEF
Irene Ferreras: “Imos ter os pés no chan sempre, veñan os resultados que veñan”
