O primeiro duelo galego na Liga Feminina 2 remata nas mans das viguesas. O conxunto dirixido por Cristina Cantero consegue a súa segunda vitoria consecutiva no 2020 ante o C.B. Arxil por un 80 a 61.
No inicio do partido, o equipo de Vigo comezou sendo moi superior. As de Cristina Cantero rapidamente marcaron a diferenza no electrónico índose ao descanso cun parcial de 38 a 24.
O paso polos vestiarios mellorou ao equipo pontevedrés. As do Arxil saíron máis concentradas e deron todo de si para intentar remontar o partido. Tanto foi así que no último cuarto impuxéronse por un 18 a 23.
En canto á anotación por parte das celestes, Celia García e Ainhoa Lacorzana fixeron un total de 32 puntos entre as dúas. A propia Celia foi a máis valorada do partido.
No cadro pontevedrés estreábase a nova fichaxe, Johanna Puchetti. Anotou dous tiros libres e catro de dous (10 puntos). Pero qun máis enchufou foi María Lago. Ela mesma endosou dous triplos.
FICHA TÉCNICA
CELTA ZORKA RECALVI: Ane Senorian, Elo Edeferioka, María Barneda, Breanna Richardson, Ainhoa Lacorzana —quinteto inicial—, Celia García, Mara Neira, Iciar Germán, Noa Comesaña, Ángela Coello e Sara Vidal.
C.B. ARXIL: Carla Fernández, María Rosendal, María Lago, Cristina Díaz-Pache, Heather Forster —quinteto inicial—, Aldara Vázquez, Margarita Moreira e Johanna Puchetti.
PARCIAIS: 22-11, 16-13, 24-14, 23-18 (80-61).
ÁRBITROS: Iván Escariz Torres e Christian Abalo Buceta.
