O COVID-19 segue castigando aos equipos galegos e, desta vez, o Celta Zorka Recalvi ven de detectar dous casos positivos no seu plantel. Ante esta noticia, todo o grupo confinouse de xeito preventivo.
Segundo informa o equipo celeste, “os servizos médicos do club continuarán co seguemento necesario determinando diariamente a evolución da saúde do plantel”. Tamén confirman que todas as persoas que integran o conxunto están en bo estado físico.
Así, seguindo os protocolos, o grupo volverá ao traballo cando pase o período establecido e realicen as probas pertinentes. O partido do Celta ante a AD Cortegada quedará presumiblemente adiado. Polo de agora, ambos equipos están á espera de que a Federación Española de Baloncesto confirme o aprazamento.