O Open de España de taekwondo finalizou con bo sabor de boca para as deportistas galegas. Tania Castiñeira e Arlet Ortiz subiron ao podio, acadando o ouro a primeira e o bronce a segunda. En total, o equipo galego logrou catro medallas, sumando estas ao ouro de Ivan García e o bronce de Pablo Patiño.
A primeira medalla feminina foi para Castiñeira, que logrou subir ao máis alto do podio no peso pesado do Open de España. A deportista, do club Hebe, gañou tres combates e rematou o campionato contra a súa compañeira do CAR de Barcelona, Belén Morán.
En cuartos, a súa rival foi a tamén galega Dersirée Rivadulla, vencendo neste combate por un 6-8. En semifinais, a contrincante foi a representante croata Darija Zeljco, coa que xa competiu no Open de Suecia. A galega volveu gañar por un 5-10. Xa na final, o combate con Morán estivo moi axustado, pero se decantou finalmente por Castiñeira debido á súa superioridade.
O outro metal galego foi o de Arlet Ortiz, do Mat’s, quen competiu en -57 kg. A galega tivo que superar tres combates para gañar o bronce. Na primeira rolda foi claramente superior á búlgara Vanova por un 13-5 e na seguinte eliminou a Nabila Djeda, cun 8-1.
Nos cuartos de final tiña como rival á española Marta Calvo, coa que realizou un combate moi rifado e intenso, caendo finalmente a favor da galega no punto de ouro (0-2). Xa en semifinal, a contrincante foi a marroquí Nada Laaraj, que foi superior a Ortiz quedando fóra da final (6-10).
Consulta aquí o listado completo de resultados sénior G1.
