Este mércores, 21 de abril, dispútanse dous partidos de Copa da Raíña de fútbol onde haberá participarción galega. Malia que non compite ningún club de Galicia, ambos encontros estarán arbitrados por galegas: Eugenia Gil Soriano e Beatriz Cuesta Arribas. Estas designacións poñen de manifesto o alto nivel da arbitraxe en Galicia.
Estas colexiadas galegas foron designadas polo CTA para impartir xustiza na xornada do mércores, nos cuarrtos de final da competición copeira. A primeira delas é Eugenia Gil, que liderará o equipo arbitral do partido que enfronta a Real Sociedad e Atlético de Madrid. O duelo será ás 16:30 horas. A seguinte cita terá lugar ás 19:00 horas, con Beatriz Cuesta arbitrando o duelo madrileño entre Madrid CFF e Real Madrid.
