O 25 Rallye A Coruña finalizou coa participación de máis dunha vintena de mulleres, e dous delas actuando como copilotos e clasificándose entre os 10 mellores coches da competición.
Raquel Rodríguez finalizou cuarta no coche de T. Martínez Racing, e Bárbara Gómez quedou décima coa escudaría Desguaces Tino Racing. Outras copilotos mulleres que competiron foron Yadira de Diego, 24ª no coche de Pérez Mirón Rally Team, María Teresa López, do Lalín Deza, que rematou na 30ª posición ou María Adelaida Porta, 31ª co Oroso Motorsport.
Tamén participaron no rally coruñés dous coches do Melmac Rally Factory, que ademais de competir no Volante FGA puntuaron para o Open Gadis Donas.
Ruth Ortega: “Non está tan normalizado que compitan mulleres”
O vehículo de Ruth Ortega, con Laura González tivo que abandoar no tramo de Coirós, xa que o coche rompeu a caixa. O outro participante, con Leti López como piloto e María Martínez de copiloto quedou primeiro, ao rematar como único competidor, do Open Gadis Donas e finalizou na 78ª posición na proba coruñesa.
Un dos momentos máis destacados do Rallye A Coruña para pilotos, copilotos e público foi o tramo espectáculo, que achegou a emoción dos motores ao público na zona de Bens para finalizar a competición.
🏎️ Achégase a segunda pasada ao tramo espectáculo de Bens que poñerá fin ao 25 #RallyeACoruña‼️
Lembra: sigue as indicacións da organización, con distancia de seguridade interpersoal e máscara. E broooooom!!🏁@RallyeACoruna#RallyeDeACoruña pic.twitter.com/aOLYfS0L9W— A Coruña Deportes (@coruna_deportes) May 29, 2021
