A quinta xornada da LF Endesa deixou unha dobre derrota galega a mans canarias. As lucenses do Durán Maquinaria Ensino perderon ante o SPAR Gran Canaria por un 54-65 e o BAXI Ferrol caeu ante o Tenerife por un 62-77.
Os dous conxuntos irmandiños xogaron en casa e ante a súa afección pero o apoio do público non foi suficiente para sumar os dous puntos da vitoria. Tras esta xornada, as lucenses son oitavas e as ferrolás undécimas.
O Ensino acusa as baixas
O plantel do Ensino, dirixido por Miguel Ángel Ortega, ten calidade para disputar encontros de nivel europeo. Así o está a demostrar na EuroCup, coa última vitoria acadada ante o belga Basket Namur Capitale Officiel.
Porén, a competición ligueira está a supoñer máis problemas para un equipo tocado polas lesións. O técnico acudiu ao encontro cun plantel corto, con só oito xogadoras, unha delas a canterana Paula Hoyuelos, que puido disputar un minuto.
Malia as dificultades, no Pazo puidose ver a un Ensino peleón, que loitaba os balóns facéndose grande en casa. Lideradas por Lizarazu ante a falta de Helena Oma, as galegas comezaron golpeando primeiro, pero as visitantes non tardaron en coller o ritmo para pisarlle os talóns ás locais. O primeiro tempo rematou nun axustado 15-14.
Para o segundo parcial, as canarias colleron velocidade e fixéronse co dominio no parqué, situandose por diante das lucenses nos primeiros minutos, para manter unha vantaxe de dous puntos ao longo do cuarto. Para o descanso, o marcador estaba no 31-33.
Tras o descanso, o público do Pazo foi testemuña dun pulso entre dous equipos do máis alto nivel, que loitaban de aro a aro por levarse a vitoria. O ataque galego estaba protagonizado por Lizarazu, Aliaga e White, mentres que as xogadoras do SPAR Gran Canaria non se quedaban atrás con Wayan e Denise Caldwell.
A vitoria cambiaba de mans, pero a falta de 10 minutos para o final as canarias situábanse xa por diante a dous puntos de vantaxe.
No último tempo, as galegas do Ensino acusaron o cansancio acumulado e cederon ante o control de xogadoras como Sika Koné, quen resultaría MVP da xornada. Cun 54-65 final, o triunfo marchou de Galicia.
FINAL en el Pazo ‼‼️‼️‼️‼️‼️‼️‼️‼️
Para sacarse el 🎩 con este EQUIPO.
Orgullos@s de tod@as ‼️‼️‼️🏆 Jornada 5 Liga Endesa@EnsinoLugoCB 5️⃣4️⃣@cbislascanarias 6️⃣5️⃣
🏟 Pazo Provincial dos Deportes
🖥 https://t.co/eHh8UagEhZ…
📸 Fotos: Rebeca Fernández pic.twitter.com/2RkGCuNOTk— Ensino Lugo (@EnsinoLugoCB) October 17, 2021
O BAXI falla en casa
Tamén como local e tamén contra un canario xogaba o BAXI Ferrol, que recibía na Malata ao Tenerife. As visitantes controlaron o xogo no parqué galego para levarse a vitoria por un 62-77.
Os dous equipos apostaron por un xogo rápido e por ser máis ofensivos que defensivos, ofrecendo un espectáculo emocionante para a afección local.
A estratexia foi favorecedora nun principio para as de Lino López, que se fixeron co primerio cuarto por unha diferenza de seis puntos, sendo claramente superiores desde a liña de tres.
A historia cambiou no segundo parcial, cando o Tenerife apostou por endurecer a súa defensa e minimizar así os ataques ferroláns. Malia os acertos de Wadoux para as galegas, as visitantes impuxéronse da man de Tikvic para chegar cunha vitoria de catro puntos ao descanso.
Tras a pausa, as xogadoras do BAXI Ferrol sairon desconcentradas á pista, cedéndolle o bastón de mando ás canarias, que se movían pola Malata como pola súa casa. A diferenza entre ambos equipos aumentou ata os once puntos, deixando a vitoria canaria moi encamiñada.
No último cuarto as ferrolás apretaron, pero o Tenerife xogaba con máis seguridade, sen conceder fallos e facendo cada vez máis grande o seu colchón de puntos. Nos minutos finais as galegas recortaron distancias, pero o partido xa estaba decidido, cos dous puntos do triunfo para as canarias.
A MVP deste encontro foi Ivana Tikvic, con 23 puntos de valoración.
