O Pescados Rubén Burela FS regresa á liga tras o descanso cunha semana de dobre compromiso maño. Hoxe xoves, 18 de febreiro, recuperará a xornada 11 na pista das novel Bodegas Sommos Intersala (La Granja, 20.00 horas). Xa o sábado, 20 de febreiro, as laranxas enfrontaranse ao Sala Zaragoza, co Século XXI como escenario (12.00 horas).
Lara Balseiro: “Tras o mes de xaneiro sen poder facelo, volvemos á liga con boas sensacións e queremos darlle continuidade”
“Temos ganas de competir. Tras o mes de xaneiro sen poder facelo, volvemos á liga hai un par de semanas; quedamos con boas sensacións en Alacante (1-3) e queremos darlle continuidade esta semana”, confesaba Lara Balseiro antes de poñer rumbo ás terras aragonesas.
Duelo de extremos
As Guerreiras Laranxas defenderán o cume do podio, con 25 puntos e empatadas co Alcorcón, recuperando o partido marcado para o 23 de xaneiro ante o penúltimo do Grupo B, con 3 puntos.
Na súa estrea na elite, o Bodegas Sommos tan só puido puntuar a través do empate, encadeando un 3-3 fronte a Majadahonda e 1-1 con Xaloc no broche da primeira volta e con 1-1 ante Universidad de Alicante na xornada pasada.
Lara Balseiro: “Recuperamos a gran parte do equipo e iso dános máis confianza”
O conxunto de Julio Delgado chega ben para facer fronte á esixencia da semana, recuperando efectivos. “Estamos contentas; fronte a UA iamos moi xustas, por lesións e illamentos COVID-19; agora recuperamos a gran parte do equipo e iso dános máis confianza”, explicaba a 10 mariñá.
As laranxas esperan a un Intersala diferente ao que se enfrontaron a finais de decembro con 6-2 para as galegas: “A pesar de que hai pouco que nos medimos, creo que veremos a un Intersala diferente e mellor. Cando veu a Burela tamén tiña ausencias e agora chega nunha mellor dinámica; ademais do último empate en Liga tamén chega co impulso de clasificarse en Copa da Raíña” reflexionaba a ala viveirense.
O partido deste xoves poderá seguirse vía streaming no Youtube do Interesala Promises.
A lista de convocadas no Burela
- 1. Jozi
- 3. Dany
- 4. Sandra Buzón
- 7. Peque
- 8. Cami
- 10. Lara Balseiro
- 11. Jane
- 14. Bea Mateos
- 17. Ale de Paz
- 19. Elena Aragón
- 21. M. Cortés
| Las #GuerreirasLaranxas disputarán mañana el partido aplazado @SalaInter a las . H.
️ @LaraBalseiro: “Vamos recuperando jugadoras, vamos recuperando sensaciones y ritmo de entrenamiento”.
https://t.co/SfIHcvp67D#Burela #Futsal #SomosFutsal pic.twitter.com/0czzjOCFsh
— Pescados Rubén Burela FS (@burelafs) February 17, 2021