O patinaxe galego tivo unha intensa fin de semana de competición co Trofeo Deputación (Cortos) de A Coruña e Pontevedra, e co Campionato de Categoría Amateur.
O primeiro deles estivo organizado polo club Club Patinaxe Lenda e o segundo polo Patín Vagalume, e ambos contaron co apoio da Federación Galega de Patinaxe.
Andrea López, ouro sénior no curto individual de Pontevedra
Dentro do Trofeo Deputación a patinadora Andrea López, do CPA Gondomar levouse o ouro na categoría sénior, seguida por dúas deportistas da CPA Valladares, Anahí Álvarez e Irlanda Lloves respectivamente.
En categoría masculina, o Gondomar tamén levouse a medalla dourada, da man de Javier Martínez e repetiu posición en júnior masculino con Manuel Estévez. En feminino, a primeira posición foi para Lucía Algarra do P.A. e a prata para Leyre Delgado, do CPA Valladares.
Noelia Rodríguez, primeira en sénior no curto individual de A Coruña
No trofeo coruñés, a primeira posición foi para Noelia Rodríguez, do CPA Maxia, seguida no podio por Ana Arias, do CP Compostela e en terceira posición Flor Lago, do Patín Oroso.
Na categoría junior deste trofeo de patinaxe, o CPA Maxia dominou na categoría feminina, cun ouro para Paula Rey e unha prata de Carmen Ruíz. O bronce foi para Laura Cebral do CP Buxaina. En masculino o club repetiu como primeiro clasificado, da man de Lucas Yáñez.
As campioas absolutas
No campionato amateur de patinaxe, Antía Corral, do Anca, colgouse a medalla gañadora no absoluto feminino de Lugo, seguida por Érika López, do seu mesmo club.
En A Coruña, o primeiro posto foi para Icia Pita, do CP Buxaina, e a prata e o bronce para o CP Alquimia, con Anira Leiras e Uxía Varela respectivamente.
No caos de Pontevedra, o ouro foi de Candela Seoane, do CPA Soutomaior, seguida por Lara Gándara, do CPA Rosaleira e a súa compañeira Erica Pombo na terceira posición.
