Nesta fin de semana, o CGTD de Pontevedra acollera á canteira do atletismo galego. As pistas serán o escenario dun dobre Campionato de Galicia de clubs que abrangue as categorías sub16 e sub20.
Ata 32 clubs clasificáronse para estas probas, en representación das oito delegacións da Federación Galega de Atletismo, a través dun ou varios equipos participantes. Os conxuntos clasificáronse por estadillo para este torneo organizado conxuntamente co Concello de Pontevedra.
O top 8 de clubs clasificados para a proba do CGTD
En total, oito clubs participarán neste dobre Campionato de Galicia de clubs, algúns deles con representación en ambas categorías de idade.
Nas probas sub16 participarán a Escuela Atlética Lucense, SG Pontevedra, Lucus Caixa Rural, Ourense Atletismo, AVA e Atlética A Silva con conxuntos mixtos. O Atletismo Feminino Celta e o Vila de Cangas participan só con mulleres e o Millaraio e o Riazor Coruña só con homes.
Dentro da categoría sub20 repiten o Celta, desta vez tamén con equipo masculino e defendendo o título logrado en Ferrol no 2019, a Escuela Atlética Lucense, a SG Pontevedra, o Ourense Atletismo, o Lucus Caixa Rural, de novo con cadro mixto. As novidades son o C.A. Santiago, o C.A. Narón, con homes e mulleres, e o ADAS Proinor con atletas femininas e o C.A. Sada con masculinos.
Porén, tal e como indica a FGA, moitos equipos tiveron que quedar fóra e non puideron clasificar ás súas atletas para os campionatos do CGTD. Unha mostra do auxe da canteira atlética en Galicia.
