O equipo feminino do Club Halterofilia Coruña subiu ao máis alto do podio no Campionato de España de Clubs – Copa S.M. a Raíña. Na competición, celebrada en Oviedo os seus compañeiros do equipo masculino tamén levaron o título por equipos. Así, o CH Coruña fai dobrete como xa fixera no ano 2018.
A competición tivo lugar, tanto en categoría feminina como masculina, no Pazo dos Deportes de Oviedo nesta fin de semana. Participaron 12 equipos, a ducia de conxuntos que quedaron primeiros nos play-offs celebrados o 30 de outubro nas 4 divisións das ligas estatais. Galicicia estivo representada en categoría feminina e masculina polo CH Coruña.
Os equipos coruñeses, adestrados por Ferenc Szabo, chegaban como campión de Liga Nacional 2021, no caso masculino, e subcampioas no feminino.
Terceiro triunfo para o equipo feminino
No campionato feminino a competición foi moi grande. As clasificacións dos primeiros catro postos decidíronse cunha diferencia mínima. Primeiras as coruñesas, segundas as súas eternas rivais tinerfeñas do ETH, e terceiras as halteras sdo CH Blanes de Cataluña. O cuarto lugar foi para o equipo madrileño do CD Elemental Madrid Gymnastic.
Foi no último intento da competición cando a balanza inclinouse do lado galego froito dun levantamento da campioa Irene Blanco que ergueu 112 quilos. O equipo do CH Coruña estivo conformado por las halteras: Irene Martínez, Ruth Fuentefria, Marisol Monasterio e a xa citada Irene Blanco.
Esta é a terceira vez que o club herculino acada o título nacional por equipos.
Quinto campionato en categoría masculina para o CH Coruña
No caso o equipo masculino, este foi o seu quinto título no Campionato de España de Clubs. Os compoñentes do equipo herculino foron: Michael Otero, Jacobo Montero, Víctor Castro, Martín Liste, Carlos Castro e Peter Nagy.
Os galegos foron os vencedores dominando a competición desde o inicio. Acadaron o título con autoridade diante do equipo andaluz do El Ejido e do madrileño Elemental Gymnastic. O eterno rival, a Escuela de Tenerife, finalizou esta vez no cuarto posto.
Dado que é a 5ª vez que o club coruñés alza a Copa, según o reglamento o trofeo pasa a ser propiedade do C.H. Coruña.
