A División de Honra Prata albergaba o sábado (18 de xaneiro) o primeiro duelo galego de balonmán da competición. Na cita, as viguesas do SAR Rodavigo impúxeronse por un 33 a 24 no electrónico ao Rubensa Porriño.
O CdeC Lavadores e o A.D. Carballal poñía o mesmo rumbo. Xogaban en Asturias pero ningunha das galegas poideron traerse a vitoria da comunidade veciña.
Rodavigo gaña o duelo galego na prata
A vitoria decatounse cara o cadro do Rodavigo no duelo galego. As de Porriño tiñan claro o plan do partido na previa.
“Non levamos a cabo o que tiñamos preparado. Na maioría do partido facilitamos moito o xogo o rival” comentou Miguel Sánchez para As Nosas.
Ao comezo do partido o SAR Rodavigo foi superior. Rapidamente marcháronse no marcador. Nalgúns momentos, sobre todo na segunda parte, as tornas intentaron cambiar.
“Víronse indicios de mellora. Acercámonos no electrónico pero non fomos capaces de competir a nivel ao que estamos acostumadas”, sinalou o adestrador porriñense. A intensidade foi a clave para que o equipo de Vigo levárase o encontro.
As viguesas esnacharon coa mala racha que levaban de catro derrotas consecutivas. Agora son décimas e as porriñenses novenas. Na xornada 17 o SAR viaxa ata Tenerife e o Rubensa Porriño xoga na casa contra o Balonmano Gijón.
FICHA TÉCNICA
SAR RODAVIGO: Lucía Vázquez, Sara González, María Pexegueiro, Xeila Fervenza, Marta Rodríguez, Ana Fernández, Tamara Seijas, Lara Patiño, Cecilia Rodríguez, María Eugenia González, Goretti Miguel, Uxia Alfaya, Claudia Kaulback, Estefania Vilas, Lucía Pérez e Nerea Bouzón.
RUBENSA PORRIÑO: María Groba, Andrea Amarilla, Marta Martínez, Andrea Fernández, Marta da Silva, Anastasija Doder, Laura Magdalena, Marta Groba, Alba Mera, Paula Gómez, Olalla Rodríguez, Carme Castro, Laura Barros, Claudia Blanco, Erika Roma e Cristina Martínez.
MARCADOR CADA 5′: 3-1, 5-2, 8-4, 11-6, 16-7, 18-9, 22-11, 26-15, 26-19, 29-19, 29-20, 30-22, 33-24.
ÁRBITROS: Julio Villanueva Pérez e Pablo Álvarez Vázquez.
Un gol deixa sen a vitoria ao Lavadores
O CdeC Lavadores esbarállaselle a vitoria por tan só un gol de diferenza ante o Siero Deportivo (31-30). As xogadoras dirixidas por Anxo Otero saíron moi centradas a pesar de endosar nos primeiros cinco minutos un 4 a 2 no electrónico.
As do Siero Deportivo estaban moi fortes pero os erros aparecer. Ocasión que aproveitaron as galegas para remontar o partido e marchar ao descanso cun 14 a 15. O paso polo vestiario desabilitou o Lavadores e fíxolle perder un pouco a intensidade. A cal recuperaron a dez minutos de rematar.
Están empatadas a puntos co Porriño (14), mais están por diante. O sábado (25 de xaneiro) reciben en Vigo o pechacancelas da competición, o Palencia Turismo.
FICHA TÉCNICA
SIERO DEPORTIVO BALONMANO: Alba Alonso, Cristina Pevida, Julia Baizan, Lucia Parajon, Mónica Iglesias, Laura Suárez, Sandra Villa, Aida Rodríguez, Andrea Iglesias, Aitana Nuño, María Alonso, Natalia Suárez, Blanca Sánchez, Mara Van Leeuwen, Alba Fernández e Clara Álvarez.
CdeC LAVADORES: Paula Rey, María Álvarez, Antía Estevez, Laura Piñeiro, Arima López, Lorena Barreiro, Uxía Ferreiro, Eva Costas, Ana Benavides, Ana Rodríguez, Marta Díaz, Ana Isabel Gil, Danilza Liranzo e Mónica Mata.
MARCADOR CADA 5′: 4-2, 6-5, 8-6, 8-11, 11-14, 14-15, 16-17, 20-18, 25-20, 26-22, 27-26, 31-30.
ÁRBITROS: Santiago Piñera Fombora e Pablo Castellanos Garci.
O Carballal perde en Oviedo
Derrota por 20 puntos do Carballal ante o Oviedo Balonmano. Poñían o mesmo rumbo que as súas compañeiras do CdeC Lavadores. A comunidade veciña albergaba dous encontros galegos.
Comezaron o partido sen estar centradas. O pivote do Oviedo fíxolle moito dano as galegas. E esta vez a diferencia na pista estivo moito máis marcada. Ao descanso, as locais xa levaraban unha vantaxe de 10 tantos no electrónico.
“As cousas non saían. En ataque estivemos moi atascadas e cos cambios non amañábamos nada. Defensivamente gañáronnos todos os duelos individuais. Penso que xusta derrota que incluso podo ser moito maior”, comentou Javier Castro para As Nosas.
O descanso non despexou ao Carballal. A dinámica da primeira metade continuó estando presente no cadro asturiano. A medida que avanzaba o tempo a diferenza aumentaba máis, quedándose nun 34 a 14.
Na clasificación da Prata, son sétimas. Na vindeira semana xogan na casa contra o terceiro, o Lanzarote-Puerto del Carmen.
FICHA TÉCNICA
OVIEDO BALONMANO: Celia Rojo, Miriam Cortina, Estefanía Parapar, Teresa Rodríguez, Andrea Carbajal, Valentina Pérez, Inés Suárez, Marta Ordoñez, Marina Franco, Carmen García-Calvo, Natalia Martínez, María Suárez, Dahiana Sánchez, Isis Tata e Brenda Torres.
A.D. CARBALLAL: Inés López, Ángela Rodríguez, Laura Rúa, María Portela, Area Martínez, Sofía Otero, Alba Amoedo, Sara Román, Silvia Leiras, María Pereira, Antía Figueiras, Antía Seijo, Carla Caride e Uxía Alonso.
MARCADOR CADA 5′: 3-1, 5-2, 8-4, 12-6, 16-8, 19-9, 23-10, 25-11, 26-11, 29-11, 32-12, 34-14.
ÁRBITROS: Cristian da Silva Barbadaes e Tomás Luis García Álvarez.
