Na División de Honra Prata tres equipos galegos xogan na casa e tan só o SAR Rodavigo desprázase as Illas Canarias para enfrontarse o Tejina Tenerife. O Lavadores recibe o Palencia Turismo, o Carballal ao Lanzarote e o Rubensa Porriño ó Gijón.
O Lavadores xoga contra o pechacancelas, Palencia Turismo
O CdeC Lavadores enfróntase ante o pechacancelas da División de Honra Prata, o Palencia Turismo o sábado (25 de xaneiro, ás 20.00 horas) no pavillón municipal de Lavadores, en Vigo.
“Sabemos que jugamos contra un rival que va a ser duro, como el de la semana pasada, que se están jugando mucho y no te puedes relajar en ningún momento”, dixo o adestrador do Lavadores, Anxo Otero, para As Nosas.
O Lavadores ven de perder a xornada pasada ante o Siero Deportivo Balonmano por unha ventaxa mínima de un gol (31-30). As de Vigo están na octava posición con catorce puntos de sete vitorias e nove derrotas.
DATOS DE INTERESE
DÍA E HORA: 25 de xaneiro, ás 20.00 horas.
CAMPO: Pavillón Municipal de Lavadores – Vigo.
ÁRBITROS: Abel Juncal López e Ángel Mateos Alonso.
INCIDENCIAS: Partido correspondente a xornada 17 a División de Honra Prata no que enfrontará ao CdeC Lavadores contra o Palencia Turismo no pavillón municipal de Lavadores.
O Rodavigo viaxa a Tenerife
O SAR Rodavigo viaxa as Illas Canarias para enfrontarse o BM Tejina Tenerife o sábado (25 de xaneiro, ás 20.30 horas) no I.E.S. Antonio González de Tejina.
“Os partidos en Canarias son sempre complicados”, apunta Elisardo González, o adestrador do Rodavigo. “Despois da vitoria co Porriño iremos con moitas ganas de obter a vitoria”. Este conxunto levouse o duelo galego a xornada anterior ante o Rubensa Porriño 33 a 24. Parten das baixas de Xeli y Fani por lesións.
As locais son décimo terceiras na táboa. “Ven de perder na cancha do Palencia. Buscarán a vitoria poñendo unha intensidade alta no partido”, apuntou o Elisardo para As Nosas.
DATOS DE INTERESE
DÍA E HORA: 25 de xaneiro, ás 20.30 horas (21.30 h., hora penínsular).
CAMPO: I.E.S Antonio González de Tejina – Tenerife.
ÁRBITROS: Francisco Amat Camacho e Nicolás Ramón López Rodríguez.
INCIDENCIAS: Partido correspondente a xornada 17 a División de Honra Prata no que enfrontará ao BM Tejina Tenerife contra o SAR Rodavigo no I.E.S Antonio González de Tejina.
O Carballal recibe ao terceiro na táboa, o Lanzarote
Vigo, no pavillón municipal de Carballal, tamén acolle o duelo entre o Carballal e o Lanzarote-Puerto del Carmen o sábado (25 de xaneiro, ás 20.30 horas)
As de Javier Castro veñen de perder por unha diferenza moi abultada ante o Oviedo Balonmano (34-14). Agora mesmo son sétimas con 16 puntos. En canto o rival “deben frenar a Rosa, ex xogadora do Guardés, xa que todo o seu xogo de ataque xira arredor dela”.
O Lanzarote-Puerto del Carmen é terceiro con 27 puntos. A xornada anterior gañaron por dous goles no derbi o líder da División de Honra Prata, o Balonmano San José Lanzarote.
DATOS DE INTERESE
DÍA E HORA: 25 de xaneiro, ás 20.30 horas.
CAMPO: Pavillón Municipal de Carballal – Vigo.
ÁRBITROS: Yonatan Lázaro Villegas e David Portugal Alonso.
INCIDENCIAS: Partido correspondente a xornada 17 a División de Honra Prata no que enfrontará ao A.D. Carballal contra o Lanzarote-Puerto del Carmen no pavillón municipal de Carballal.
O Balonmano Gijón aterra en O Porriño
O pavillón municipal de O Porriño acolle o domingo (26 de xaneiro, ás 12.00 horas) a cita entre o Rubensa Porriño e o Balonmano Gijón.
“Partido complicado, sobre todo pola necesidade do rival puntuar”, apunta Miguel Sánchez, o adestrador do Porriño para As Nosas. “Cada vez queda menos de competición e hai varios equipos igualados nos postos de descenso”. O Porriño é noveno con 14 puntos empatado co Lavadores.
“Tacticamente vai ser fundamental defender ben, sobre todo ás súas primeiras liñas, xogo de ataque dinámico e con eficazia no lanzamento e contrarrestar o seu contraataque e o seu contragol, aínda que creo que o máis importante é que sexamos capaces de ter espírito competitivo e mentalidade gañadora“, dixo o adestrador porriñense.
DATOS DE INTERESE
DÍA E HORA: 26 de xaneiro, ás 12.00 horas.
CAMPO: Pavillón Municipal de Porriño – O Porriño.
ÁRBITROS: José Domingo Vega Gemio e Juan Manuel Vinagre Vázquez.
INCIDENCIAS: Partido correspondente a xornada 17 da División de Honra Prata no que enfrontará ao Rubensa BM Porriño contra o Balonmano Gijón no pavillón municipal de Porriño.
