Dionisio Quelle (Vigo, 1968) é un trotamundo do balonmán, pero sempre con Galicia na mente e no corazón. Empezou no balonmán con 8 anos “obrigado” polos seus pais, que consideraron que era o deporte máis completo dos que se ofertaban.
Desde moi novo xa lle chamaban os bancos e empezou a dirixir equipos de nenos estando en categoría xuvenil aos 16-17 anos. Entre outros equipos, adestrou no Santa Cristina de Lavadores, Colexio Chouzo, Academia Octavio, Balonmán Lalín, San Antonio, Puig d´en Valls, Eivissa e Camariñas, e a Seleccións como a viguesa, a Galega, a Ecuatoriana e a Costarriqueña.
Nesta extensa traxectoria conseguiu algúns títulos, quizais os máis destacados fose o levar ao Club Balonman Camariñas a primeira nacional e varias medallas durante a súa estancia en Costa Rica a cargo de diferentes seleccións, aínda que tamén destaque polo seu traballo de promoción, desenvolvemento e formación cos máis pequenos e pequenas.
Comezou como xogador, pero recoñece que se queda coa súa faceta como adestrador, na que “podes influir sobre máis xente”. Agora está no Arona, onde é feliz, pero nestes intres de crise sanitaria ten un desexo moi claro: “Superar este complicado momento canto antes”. Así foi a entrevista da Federación Galega de Balonmán a este gran adestrador e trotamundos do balonmán:
Pregunta: Adestrador ou xogador, con que faceta te quedas?
Resposta: Se teño que elixir, quédome con adestrador porque tes a posibilidade de axudar e influir en máis xente. Non só poder formar xogadores senón tamén persoas. Tiven moitos referentes como adestradores que influíronme moito. No caso de xogadores nin tiven tantos, ni tan imporantes referentes.
Dioni Quelle, adestrador de balonmán: “Se teño que elixir, quédome con adestrador porque tes a posibilidade de axudar e influir en máis xente. Non só poder formar xogadores senón tamén persoas”.
P: Por que decidiches marchar de Galicia?
R: Marchei cando tiven interés en coñecer outro tipo de xente, de balonmán, de sociedade. Ter outras experiencias vitais e por suerte tiven esa posiblidade e estiven en bastantes sitios.
O teu mellor momento no balonmán.
R: O meu mellor momento como adestrador é este porque cada día intento aprender máis e mellorar. A nivel de logros deportivos o que recordo con máis cariño foron as dúas tempadas en Camariñas. Foi un reto pero foi unha comunión co equipo e co pobo moi bonita. Acadar o ouro con Costa Rica foi o logro que máis repercusión tivo.
Dioni Quelle, adestrador de balonmán: “O que recordo con máis cariño foron as dúas tempadas en Camariñas. Foi un reto pero foi unha comunión co equipo e co pobo moi bonita”.
P: En que club te sentiches máis identificado?
R: En case todos, Lalín, Ibiza, Camariñas, Arona, Costa Rica… Quizás as tempadas en Camariñas foron as máis especiais pola forma de ser da xente. En Arona tamén estou moi agusto traballando aquí, con moita tranquilidade e moito apoio do club.
Dioni Quelle, adestrador de balonmán: “As tempadas en Camariñas foron as máis especiais pola forma de ser da xente. En Arona tamén estou moi agusto traballando aquí, con moita tranquilidade e moito apoio do club”.
P: Un xogador que che gustaría adestrar.
R: Víctor Vigo. Tiven a sorte de poder velo entrenar e compartir entrenos con él en Camariñas en períodos de parón estival e é unha verdadera gozada poder adestrar a un rapaz así.
P: Es supersticioso?
R: Non moito, ou si, depende de como se mire. Se un partido sale ben intentaba repetir a roupa, sobre todo o facía máis antes. Non é algo que teña moi presente.
P: Un soño?
R: Saír desta difícil situación que estamos a vivir. Que os nosos maiores deixen de caer. En canto o deporte, quero que as rapaces e rapaces coas que traballo salgan boas persoas e que o balonmán poda servir de axuda na súa vida a nivel persoal.
Dioni Quelle, adestrador de balonmán: “Quero que as rapaces e rapaces coas que traballo salgan boas persoas e que o balonmán poda servir de axuda na súa vida a nivel persoal”.
