Con boas sensacións logo das últimas xornadas de adestramento, así afronta o cruce contra O Fisgón Diego Pardo, adestrador do Valdetires. “Estes últimos adestramentos leveime unha sorpresa agradable por ver a intensidade coa que estabamos a adestrar. Imos chegar ben para afrontar o partido do sábado”, augura.
O técnico invita a ter a cabeza fría e a concentrarse. “Tras o parón vexo ás miñas xogadoras moi ben e moi metidas no partido que temos por diante. Sen unha efusividade que nos poida quitar do partido e concentradas no aspecto anímico e con ganas de demostrar o que viñamos demostrando nos últimos partidos que disputamos”.
Diego Pardo, adestrador do Valdetires FSF de Ferrol: “Tras o parón vexo ás miñas xogadoras moi ben e moi metidas no partido que temos por diante”
Pola parte da preparación física, admite que lle gustaría “chegar en mellor forma”. Explica que tentaron “facelo o mellor posible, pero vexo un hándicap nese terreo. Aínda que nos últimos adestramentos desta semana vinas mellor con respecto a principios de semana”.
Diego Pardo destaca a calor como un condicionante
O adestrador do Valdetires FSF considera que as condicións de temperatura e humidade nas que se vai xogar o cruce poden condicionar o xogo. “Imos ter os dous equipos un hándicap importante que é a climatoloxía. Prevense 33 graos e o pavillón no que xogamos, ao ter a piscina pegada, vai dar unha sensación de sufoco grande que vai influír nos dous equipos máis aló da preparación física”, detalla.
Diego Pardo, adestrador do Valdetires FSF: “Prevense 33 graos e o pavillón no que xogamos, ao ter a piscina pegada, vai dar unha sensación de sufoco grande que vai influír nos dous equipos máis aló da preparación física”
Con todo, en partidos coma este que disputarán O Fisgón e o Valdetires FSF neste play-off de ascenso á Primeira División a cabeza é fundamental, case tanto como a técnica ou a prepación física. Explica Pardo que a “concentración en todos os minutos pode decantar o partido. Non cometer erros que che fagan saír do partido. O equipo que sexa capaz de conseguir iso levará o partido. Aínda que non esteas ben fisicamente, se a cabeza diche que tes que correr, que tes que pelexar e loitar todos os balóns iso trasládase ás pernas e conséguese”.
Ao Valdetires prexudicoulle o parón
O entrenador das ferrolás é franco cando admite: “recuperar o nivel que tiñamos antes do parón é complicado, moi difícil”. Polo que se deduce que o parón competitivo motivado pola COVID-19 frenou a progresión das ferrolás.
Tal e como comenta, “ao equipo ao que peor lle veu o parón foi a nós que levabamos unha dinámica moi positiva. Recuperar esa dinámica agora é complicada, preparámonos, pero sen poder enfrontarnos a ninguén, ningún amigable, faltará coller o ritmo”.
Diego Pardo, adestrador do Valdetires FSF: “Ao equipo ao que peor lle veu o parón foi a nós que levabamos unha dinámica moi positiva. Recuperar esa dinámica agora é complicada, preparámonos, pero sen poder enfrontarnos a ninguén, ningún amigable, faltará coller o ritmo”
Unha das claves estará precisamente en entrar rápido no partido para poder collerlle o ritmo. Neste sentido comenta Diego Pardo: “Espero que entremos no partido desde o primeiro minuto, se tardamos 2-3 en entrar despois igual xa é demasiado tarde para reconducir a situación”.
Sen baixas nas filas ferrolás
Toda as xogadoras do Valdetires FSF estarán ás ordes de Pardo que explica: “Dentro da plantilla curta da que dispoño, podo contar con todas as xogadoras, non teño baixas”.
A cita será o sábado 18 ás 17:45 no pavillón de Elviña na cidade da Coruña. As xogadoras ferrolás do Valdetires FSF e as futbolistas do Fisgón de Marín, loitarán por ter un sitio contra o Viaxes Amarelle da Coruña no seguinte e definitivo partido do play-off de ascenso á Primeira División do Fútbol Sala Feminino español.
Que equipo galego será o que acade o lugar?
