- Todas as actividades do Día do Deporte na Rúa do Concello da Coruña vanse celebrarán na contorna de Riazor, volvendo á súa localización tradicional, en horario de 11.00 a 14.00 h
O Concello da Coruña celebrará o XXXVI Día do Deporte na Rúa como colofón á actividade do curso 2022-2023 das Escolas Deportivas Municipais. A cita ten como obxectivo promocionar as diferentes disciplinas deportivas que se practican na cidade co obxectivo de promocionar os distintos clubs e entidades deportivas dun xeito lúdico e participativo e achegar á cidadanía os beneficios da práctica deportiva.
O Día do Deporte na Rúa celebrarase este domingo, 18 de xuño, e contará cun total de 65 disciplinas deportivas dispoñibles dende fútbol, baloncesto, bádminton, ximnasia artística, taekwondo, escalada, marcha nórdica ou boxeo. Tamén se inclúen deportes náuticos como waterpolo, windsurf ou natación entre moitas outras.
Todas as actividades se desenvolverán na contorna de Riazor, volvendo á súa localización tradicional. Os deportes náuticos desenvolveranse na praia de Riazor con excepción de surf adaptado, que se localizará na praia do Orzán. Todas as actividades son de balde e abertas a todas as idades e desenvolveranse en horario de mañá, de 11.00 a 14.00 horas.
🥋 Non perdades as actividades de 65 distintas disciplinas deportivas programadas para este domingo, 18 de xuño, con motivo do Día do Deporte na Rúa!
📍 Estas citas desenvolveranse na contorna de Riazor e son de balde e abertas a todas as idades.
🕓 Vémonos de 11:00 a 14:00h! pic.twitter.com/dkTVRUlOhI
— A Coruña Deportes (@coruna_deportes) June 16, 2023
Este ano, un total de 75 entidades se sumaron á celebración do Día do Deporte colaborando co Concello da Coruña co obxectivo de dar a coñecer as diferentes prácticas deportivas que se ofertan na cidade e completar unha programación ampla e diversa, con actividades como a actuatlón e xincana infantil, Jiu Jitsu, carreiras de orientación, dardos ou fútbol gaélico.
Deste xeito, o Concello da Coruña mantén o seu apoio ao sector deportivo da cidade achegando o seu traballo aos veciños e veciñas e fomentando a práctica deportiva para todos os gustos e idades, ofrecendo unha programación multidisciplinar e aberta ao público.
🏀 Este domingo, 18 de xuño, aterra na Coruña o Día do Deporte Rúa con 65 disciplinas deportivas!
✅ Non perdades este evento destinado a achegar á cidadanía os beneficios da vida activa.
📍 Vémonos na contorna de Riazor en horario de 11:00 a 14:00 horas. pic.twitter.com/kvdJXlaQwI
— A Coruña Deportes (@coruna_deportes) June 15, 2023
