Hoxe é día de test para o CB Arxil. O protocolo de prevención da COVID-19 obriga aos clubs a superar probas para poder disputar os seus encontros. O das de pontevedra é contra doutro club galego, o Maristas da Coruña. A primeira xornada da LF2 ten varios duelos entre conxuntos da nosa comunidade.
Será o médico da FEB, o doutr Zapata que realice os test ao CB Arxil no CGTD. Se todo sae ben o equipo estará listo para debutar na Liga Feminina 2 do curso 2020/2021 este sábado na cidade herculina.
O Maristas Coruña é outro equipo que regresa tras a tempada 2018/19, a do debut na categoría. Veñen de caer pola mínima ante o Ulla Oil Rosalía 68-69 e ante o Baxi Ferrol por 102-62 na Copa Galicia.
A columna vertebral do plantel será a que conseguiu o ascenso á categoría: Casal, Pereira, Cortés, Filgueira, Cervelo, Martínez, Feijóo, Sanz e Pedrosa, coa fichaxe de calidade de Joana Ferreira. Trátase dunha xogadora con experiencia no Clarinos, Magic Tías ou ADBA.
Segundo informan desde o club pontevedrés “a normalidade é a tónica nos adestramentos e nótase ansiedade nas xogadoras coas ganas de empezar e cos nervios típicos”.
Sinalan fontes do club que o partido desta fin de semana será un duelo no na pista do Maristas que “é unha cancha difícil, hai que lembrar que xa nos gañou hai dúas tempadas”, comenta Lino Vázquez. Explica o adestrador que as coruñesas son “un equipo que xoga moi físico e que teremos que saír moi centradas, e moi preparadas a sufrir e, sobre todo, hai que ter moito coidado co seu xogo exterior e sobre todo co seu tiro de tres”.
A transmisión en streaming do partido está por confirmar.