No Día das Letras, xóganse as finais da Copa Galicia de fútbol sala

A Copa Galicia de futsal busca equipo que a levante este 2023. A cita é hoxe, 17 de maio, Día das Letras Galegas, en Noia. Galica busca as súas raíñas e reis. Á gran cita do futsal galego chegaron catro equipos, dous femininos e dous masculinos. As finais, a partido único, determinarán os equipos campións en cada categoría.

ENCE Marín Futsal e Pescados Rubén Burela FS xogan a final da Copa Galicia de fútbol sala a partir das 12:30 horas en Noia.

Na categoría masculina será o Noia e o Lugo Sala os que, á tarde, contra as 19:00 horas, disputen a final e salten á pista á conquista do trofeo autonómico.

🎼 O @ConcelloNoia COLLE A BATUTA

🏆 O palco da música da Alameda de Noia albergou este sábado a presentación oficial das finais dunha nova edición da COPA GALICIA de fútbol sala

🗓️ 17 de maio
🏟️ Pavillón Agustín Mourís
📺 Youtube da RFGF

🔗 https://t.co/DD2qZIE6Ad pic.twitter.com/MOgJWVvtco

— Futsal RFGF (@FutsalRFGF) May 13, 2023

A Copa Galicia xógase no pavillón Agustín Mourís do municipio, o fogar do Noia Portus Apostoli, o único representante galego na máxima categoría do fútbol sala estatal. Esta cancha será o escenario que coroe este mércores día 17 de maio, o Día das Letras Galegas, á nova campioa e ao novo campión do torneo máis prestixioso do futsal autonómico con todas as entradas despachadas, tal e como apunta a Real Federación Galega de Fútbol (RFGF).

Primeira final da Copa Galicia para o ENCE Marín Futsal

Para o ENCE Marín Futsal a de hoxe será a primeira final da Copa de Galicia. As xogadoras que adestra Ramiro Díaz, viaxan a Noia con ilusión e ganas de facerlle fronte ao equipo máis laureado do futsalfem galego, o Pescados Rubén Burela.

Non hai baixas nas filas do ENCE Marín Futsal. Noia estarán as porteiras Silvia Aguete, Iria Varela e Lucía Paz, así como as xogadoras de campo: Ceci, Café, María León, Adri, Inés Mayán, Lara Balseiro, Ale de Paz, Nuria Rodríguez, María Estévez e María Domínguez.

Tras acadar a súa sexta Copa da Raíña de España, a quinta de xeito consecutivo, as Guerreiras Laranxas que adestra Julio Delgado queren seguir brindando copas á súa afección. Sería o terceiro título da tempada 2022-23 para o Pescados Rubén Burela FS.

A capitá das da Mariña, Peque, puña en valor ao rival, e a importancia de dar o máximo ao xogar unha nova final. “O Marín ten a mellor porteira do mundo”, decía Peque en referencia á internacional galega Silvia Aguete. “Coido que é un dos seus puntos fortes”. Peque salientaba tamén a achega realizadora doutras futbolistas do rival: “teñen a Ceci, a canoneira, que lle pega moi ben, Ale de Paz… É un equipo que hai que ter en conta”.

Para Peque, o partido contra o ENCE Marín Futsal “vai ser unha final difícil. Sempre que chegas a primeira vez a unha final é especial. Iso é un plus de ilusión que hai que ter presente”, advirte a xogadora do Pescados Rubén Burela FS.

Declaraba Peque na previa que o conxunto que lidera como capitá debe seguir “coma sempre, traballando os 40 minutos, chegando á portaría, finalizando, defendendo ben, Sabe que é unha final e que temos que dar o 120%”.

Antes de chegar a esta final o Pescados Rubén Burela vencía ao Poio Pescamar (1-2) en semifinais, mentres que o colectivo marinense eliminaba ao conxunto coruñés do Viaxes Amarelle FSF (1-3).

Esta final da Copa Galicia de futsalfem poderá verse non so en Noia, tamén ao vivo a través da canle de YouTube da Real Federación Galega de Fútbol (RFGF) nesta ligazón:

Copa Galicia masculina entre Noia e Lugo Sala

Con respecto á cita masculina desta Copa Galicia de futsal, loitarán polo título o equipo anfitrión, o Noia Portus Apostoli, e o CD Lugo Sala, flamante campión do Grupo 1 da Segunda División B e que loitará polo ascenso de categoría. Será a partir das 19:00 horas.

Este partido tamén poderá seguirse ao vivo a través da canle oficial da RFGF en Youtub: