Os equipos galegos de División de Honra Prata de balonmán afrontan os partidos da terceira xornada da tempada 20/21 con dinámicas dispares.
O AD Carballal vén de gañar o duelo vigués contra o SAR Rodavigo por 28-21, despois de non presentarse na primeira xornada no Pedro Velarde para xogar co HBC’74 Avia IEN. Chiqui, adestrador do AD Carballal, afirmou que esta xornada, na que visitan ao Comercial Ulsa Hand Vall Valladolid mañá sábado, 10 de outubro ás 20.30, si que comparecerán no Pabellón Polideportivo Rondilla.
Outro equipo que non xogou o seu primeiro partido desta tempada foi o CDEC Lavadores Vigo. Como o seu conxunto veciño, tamén acadou a victoria na segunda xornada de liga, neste caso contra as galegas do Asmubal Meaño, cun resultado de 30-24. O domingo 11 de outubro, ás 12.00 horas no Pabellón Municipal de la Tejerona, ten marcado o seu partido contra o Balonmano Gijón, ao que tamén se presentarán.
As de Meaño viaxan a Lanzarote para se medir ao Zonzamas o domingo 11 de outubro ás 18:00 horas. As galegas venceron na primeira xornada ao Siero Deportivo Balonmano por 33-26 e perderon co Lavadores como comentabamos previamente. O seu rival impúxose ao Porriño 21-28 e déuselle o partido co Lavadores por gañado 10-0 ao non poder presentarse as de Vigo, polo que a súa posición na taboa é boa. Vexamos se a terceira vai a vencida e hai triunfo galego diante das canarias.
Pola outra banda, os outros dous equipos galegos aínda non coñecen a vitoria e buscarán romper esa racha na casa esta fin de semana. O Rubensa Porriño recibe no Pavillón Municipal de Porriño ao Palencia Turismo mañá ás 18.00 horas, e só media hora despoius comenzará en Redondela o encontro que enfronte ao SAR Rodavigo e a o Rodríguez Cleba.
