A ryder coruñesa Julia Benedetti busca asegurarse o seu billete aos Xogos Olímpicos de Toquio 2021 no Dew Tour en Des Moines (Iowa). A decisiva cita deportiva vaise disputar entre o 16 e o 23 de maio.
O World Skate anunciou que o Dew Tour, sería a única competición preolímpica da tempada na disciplina de Park e a primeira da disciplina de Street (do 31 de maio ao 6 de xuño disputarase a última: o Campionato do Mundo que terá lugar en Roma). Por tanto, o Dew Tour será o único evento de clasificación olímpica desta segunda tempada para a modalidade de Park.
Nos Xogos Olímpicos de Toquio 2021, onde debuta esta disciplina dentro do arco olímpico, haberá un total 80 deportistas participantes. Estarán repartidos do seguinte xeito: 40 en categoría masculina e 40 en categoría feminina. Asimesmo, esas 40 prazas dividiránse entre as dúas modalidades en liza: 40 deportistas competirían en Park e outros 40 en Street, repartíndose 20 en categoría feminina e 20 en categoría masculina para cada unha desas dúas modalidades citadas.
Agora mesmo, e a falta dunha última actualización no ranking xeral, na modalidade de Skate Park, a deportista galega Julia Benedetti sostenta a décimo quinta posición na clasificación mundial feminina. Mentres, os ryders Jaime Mateu e Danny León, tamén españois, ocupan as posicións 22ª e 28ª posición, respectivamente na categoría masculina.
Doutra banda, na modalidade de Skate Street, as deportistas españolas Andrea Benítez e Mar Barreira están na 26ª e 42ª posición respectivamente no ránking mundial, mentres que na categoría masculina, o tamén español Rafa Bocanegra ocupa o 42º posto do mundo.
Agora mesmo, Benedetti estaría clasificada para os Xogos Olímpicos
Como no ránking xeral de Park e Street, varios países contan con máis de tres skaters, e só poden ir un máximo de tres por cada unha das federacións que concurran aos Xogos de Toquio 2021. Actualmente, Jaime Mateu, Danny León, Julia Benedetti e Andrea Benítez ocupan posicións que daría paso a estar clasificados para disputar os Xogos Olímpicos nipóns.
O seleccionador nacional de skate, Alain Goikoetxea fixo pública a convocatoria oficial para disputar o Dew Tour. A lista de deportistas citados está formada por Julia Benedetti, Danny León e Jaime Mateu na modalidade de Skate Park, e Andrea Benítez, Mar Barreira e Rafa Bocanegra na de Skate Street. O combinado estatal español viaxou xa cara a Estados Unidos para disputar esta proba, decisiva para ambas as dúas disciplinas, pero máis aínda na de Park que é na que compite a galega Julia Benedetti.
Do 16 ao 18 de maio realizaranse os quecementos, e xa o día 19 empezará a competición cos Open Qualifiers. As semifinais deste campionato de Dew Tour en Des Moines (no estado de Iowa en USA) serán o venres 21 de maio. Para a disputa da gran final haberá que agardar até o domingo 23 de maio.
A boa nova, é que, pese á distancia, toda a competición poderase seguirse vía streaming a través da páxina web oficial do propio Dew Tour.
Modalidade de Park
Danny León, Jaime Mateu e Julia Benedetti serán os representantes españois na modalidade de park. A primeira que entrará a escena será a ryder galega Julia Benedetti. A skater coruñesa, embaixadora de Cabreiroá, competirá o mércores 19 de maio na rolda 4 do Open Qualifier de Park Feminino ás 21:15 hora española.
Modalidade de Street
Andrea Benítez, Mar Barrera e Rafa Bocanegra son os skaters que conformarán a selección española da modalidade de street. No seu caso, esta especialidade contará con dúas probas calificatorias para os Xogos Olímpicos de Toquio 2021. A primeira proba preolímpica é esta, o Dew Tour, e a segunda serán os Campionatos do Mundo que terán lugar en Roma (Italia)
