O Cidade de As Burgas non puido despedirse da Primeira División diante da súa afición cun triunfo. As galegas que adestra Manolo Codeso caeron derrotadas diante do Sala Zaragoza por un marcador de 3-5.
Abría o marcador o Sala Zaragoza cun tanto de Laura Boix aos dous minutos de xogo. Non tardou demasiado Clara Fernández en devolver a igualada (1-1), foi no minuto 9 de partido logo dun roubo de balón en media cancha que deu lugar a unha contra ben a proveitada polas locais.
Até o descanso o partido foi unha sucesión de ocasións por ambas partes pero foron as aragosesas as que conseguir ir poñendo terra de por medio. Pouco xogo, pero si moitas chegadas con perigo en ambas as dúas áreas que remataban en tantos do bando visitante.
Ao descanso o marcador electrónico indicaba 1-5. Consumíanse minutos do segundo período sen que a efectividade fixese acto de presencia en ningún dos equipos.
A expulsión da cancerbeira do Cidade, Ana Lastra, no minuto 32, non foi aproveitada polo Sala Zaragoza para aumentar distancias.
O xogo de cinco do Cidade de As Burgas recurtou distancias
Na recta final da segunda parte o equipo ourensá que adestra Manolo Codeso recurtaba distancias ao tirar do xogo de cinco a falta de catro minutos para o final do choque. Foi con goles de Nahir (min. 23) e Sol Pedrera (min. 38), pero os tres puntos e o triunfo fuxían de terras galegas.
Triste despedida de tempada para o Cidade de As Burgas que quería despedirse da categoría con mellor sabor de boca. Foi este un curso atípico e complicado para todos os equipos por mor das complicacións e condicionantes que puxo en escena a pandemia de COVID-19. No lado máis positivo do vivido polo conxunto ourensá, os debús de varias das súas futbolistas máis novas coa camiseta verdibranca na máxima categoría. Elas serán a base do futuro do Cidade de As Burgas.
FICHA TÉCNICA
CIDADE DE AS BURGAS: Iria; Clara Fernández, Sol Pedrera, Canolich e Lucía Nespereira – quinteto inicial -. Tamén xogaron: Sonia, Amelia, Aroa Oliveira, Nahir, África Pazos, Maria Velle, Carlota e Ana Lastra (P.S.).
SALA ZARAGOZA: Suzan; Jenifer, Laura Boix, Rapha Martins e Carmen Alonso – quinteto inicial -. Tamén xogaron: Paola e Rafinha.
GOLES: 0-1, min. 2 Laura Boix. 1-1, min. 9 Clara Fernández. 1-2, min. 12 Laura Boix. 1-3, min. 15 Rafinha. 1-4, min. 18 Rapha Martins. 1-5, min. 19 Jennifer. 2-5, min. 23 Nahir. 3-5, min. 38 Sol Pedrera.
ÁRBITROS: Colexiados, Eduardo Corral e Borja Darriba do colexio gallego. Viu cartón amarelo a futbolista local Lucía Nespereira e foi expulsada con cartón vermello a porteira Ana Lastra (32’) no Cidade de As Burgas.
INCIDENCIAS: Partido disputado no pavillón dos Remedios da cidade de Ourense.
