As galegas Sara Guerrero e Desirée Vila participaron na primeira edición dos Xogos Inclusivos disputados o sete de outubro no Centro de Alto Rendemento de Madrid. Xunto a súa parella Jairo Ruiz, Guerrero impúxose na proba de duatlón, conseguindo así o primeiro metal da historia nestes Xogos.
Horas máis tarde e sobre a pista de atletismo, chegaría a o turno da gondomaresa Desirée Vila, na proba de salto de lonxitude. Unha presea máis que se suma ao diploma paralímpico que acadou na mesma modalidade nos pasados Xogos de Toquio 2020.
A galega asegurou que esta foi “unha experiencia moi chula”, polo que agarda que “oxalá se repita pronto”.
O evento non contou con público debido a situación polo coronavirus. Non obstante, moitos exs e deportistas asistiron para animar aos seus compañeiros e compañeiras de profesións. Entre eles, atopábase a riberense e bronce olímpico en triple salto en Toquio 2020, Ana Peleteiro.
I Xogos Inclusivos
O 7 de outubro de 2021 marcou un antes e un despois na historia do deporte. Un total de 170 deportistas con e sen discapacidade, entre os cales había olímpicos e paralímpicos, competiron de forma conxunta na primeira edición dos Xogos Inclusivos celebradas no Centro de Alto Rendemento en Madrid.
Este evento pioneiro, a I edición dos Xogos Inclusivos, está impulsado pola Fundación Sanitas que leva 10 anos traballando para facer que a inclusión do deporte convértase nunha realidade. Tratan de buscar a igualdade de condicións entre estes deportistas con e sen discapacidade e así, poder derribar as barreiras que seguen existindo na nosa sociedade.
Ademais, xunto as distintas federación españolas deportivas e de discapacidade, o Consello Superior de Deporte, o Comité Olímpico Español e o Comité Paralímpico Español realizaron os regulamentos inclusivos que garantizaban unha igualdade de condiciones co obxectivo de lanzar unha mensaxe a sociedade: o deporte é a ferramenta de inclusión idónea para as persoas con diferentes capacidades.
Nove deportes
Estes Xogos Inclusivos contaban con un total de nove modalidades deportistas, as cales eran atletismo, bádminton, baloncesto en cadeira de rodas, natación, taekwondo, iudo, tenis de mesa, tríatlon e rugby.
No atletismo, competían un total de 64 deportistas, sendo 32 atletas da Real Federación de Atletismo e os restantes das Federacións con Discapacidade. O conxunto podía participar en cinco probas: 100 metros, 1500 metros, salto de lonxitude, peso e relevo 4x100m.
En bádminton competiron dous deportistas con discapacidade e dous sen ela para un torneo mixto no ano no que esta modalidade estrouse como deporte paralímpico.
No baloncesto en cadeira de rodas houbo catro equipos de cinco deportistas cada un, tres con discapacidade e dous sen ela, pero todos en cadeira de rodas.
En judo tamén foi unha competición por equipo mixtos con catro categoría: olímpica masculina, olímpica feminina, paralímpica e inclusiva.
Na natación, un dos grandes eventos dos Xogos Inclusivos, participaron catro equipos de oito integrantes cada un, catro con discapacidade e catro sen ela.
En rugby houbo dous equipos de ‘seven’, mesturando xogadoras e xogadores con e sen discapacidade en partidos de 16 minutos.
No taekwondo, tamén debutante nos Xogos Paralímpicos na última edición, a competición baseouse nas pernas, non sendo válidos os golpes con puños.
No tenis de mesa, seis deportistas repartidos en dous equipos de tres xogaron tres partidos.
No duatlon, catro equipos competiron por parellas, unindo a deportistas con e sen discapacidade, nos 800 metros de carreira, 2km de ciclismo e 400 metros de carreira.
