Mala semana en termos xerais para as nosas representantes na elite do balonmán. Mecalia Atlético Guardés e Conservas Orbe Rubensa BM Porriño acadaron sendas derrotas nos seus enfrontamentos na Q3 e na Liga Guerreras Iberdrola, respectivamente.
O Guardés cae con honra
O soño da remontada europea quedouse finalmente niso, un soño. O Guardés, afrontou onte nunha Sangriña a rebentar a difícil empresa de levantar os 11 tantos de desvantaxe cos que iniciaba a volta da Q3 fronte ao Beçanson.
O inicio non puido ser mellor, o conxunto miñoto non tardou en sentir o calor do inferno guardés e envorcouse sobre a meta alpina conseguindo un demoledor 5-1 no primeiro parcial co que soñar con darlle a volta á eliminatoria. Sen embargo, as francesas tiraron de oficio e a través de modificacións no sistema defensivo souberon frear o inicio eléctrico das galegas.
A necesidade de remontar provocou que o Mecalia Atlético Guardés fose con todo arriba outorgándolle ao Beçanson un corredor que a escadra alpina soubo aproveitar para reducir as diferencias no electrónico e chegar ao tempo de descanso a un só tanto das guardesas (16-15).
Á saída de vestiarios, as xogadoras adestradas por José Ignacio Prades seguiron a perseguir unha remontada que se antoxaba cada vez máis lonxe da Sangriña. Gabriela Pessoa, con 7 tantos, liderou a parcela ofensiva dun Guardés que se mantivo por diante do marcador durante tras cuartas partes do encontro.
Finalmente, a fatiga das locais, sumada á mellora defensiva e ao acerto ao contraataque das francesas provocaron que o Mecalia sufriuse unha nova derrota coa que decir adeus definitivamente á súa campaña europea. As do Baixo Miño malia caer en ambos encontros poden irse coa cabeza ben alta e focalizar os seus esforzos nos campionatos domésticos.
Final.
Non puido ser, pero estamos moi orgullosas de vós. Cabeza alta e a seguir.🏆 @ehfel_official
📆 Q3 | Ida
🤾♀️ @Atlguardes_ofic 🆚@ESBF_Handball
🔥 A Sangriña
⏱️ 60′
🔢 24-30
#InfernoEuropeo 🇪🇺 #CorazóneInferno pic.twitter.com/YcL2PCUqm0— Mecalia Atlético Guardés (@Atlguardes_ofic) November 21, 2021
O BM Porriño segue sen gañar de visitante
A décima xornada de Liga Guerreras Iberdrola deparou unha nova derrota do conxunto porriñés coma visitante. O equipo dirixido por Ismael Martínez chegaba ao Pabellón Huerta del Rey para enfrontarse ao Caja Rural Aula Valladolid nun encontro clave para comezar a definir as verdadeiras aspiracións das do Porriño de cara á presente campaña.
Tras un inicio de partido no que a igualdade foi a tónica dominante, o Conservas Orbe Rubensa BM Porriño foi baixando o ritmo de xogo e concedendo oportunidades a través dos seus desaxustes defensivos. Deste xeito, o conxunto pucelano soubo como sacar rédito das imprecisións da zaga rival para irse ao descanso cun cómodo 14-10.
Na segunda metade, a tendencia mantívose cun Caja Rural que non daba pé a un Conservas Orbe Rubensa perdido en defensa. No outro lado da pista, Mica Casasola cargou co equipo ás costas, aínda que as súas sete dianas non foron suficientes para minguar unha diferenza cada vez maior.
A falta de cinco minutos para o remate do encontro, semellaba que o gañador estaba bastante claro. As vallisoletanas dominaban no xogo e no electrónico cunha notable diferencia de 32-23. O cadro porriñés pelexou ata o final e acadou recortar diferencias cara o final do encontro, aínda que non lle acadou para poder entrar na pelexa polos puntos.
Con este resultado o Conservas Orbe Rubensa BM Porriño baixa un posto na táboa clasificatoria e colócase na décima clasificación cun total de seis puntos, todos eles obtidos como local. A primeira vitoria lonxe do Municipal deberá agardar polo menos ata despois do parón mundialista, cando as xogadoras de Ismael Martínez se despracen ata Valencia para enfrontarse ao CBM Morvedre.
