Non foi favorable aos intereses do CRAT Residencia Rialta a xornada de domingo. A maxia do Samaín non se puxo da parte das galegas que nesta quinta xornada coleitaron a súa segunda derrota. O conxunto herculino viu como o Majadahonda lle superaba en todos os ámbitos do xogo. O partido concluíu cun tanteo de 7-33 que non admite dúbidas sobre a superioridade das visitantes. O xogo do Majadahonda non tivo contestación por parte local.
Posiblemente este sexa o mellor partido do que vai de tempada do Majadahonda e no que o CRAT Residencia Rialta amosou dun xeito notable as carencias que pode ter o seu xogo. As ausencias non axudaron a que as coruñesas sacasen o seu potencial sobre o tepe do Universitario de Elviña. Non estiveron Paula Requena, Cecilia Huarte e Paula Medín. Para colmo, Selene abandonaba o campo lesionada aos 20 minutos de xogo. A deportista saiu en padiola e tivo que ser traslada a un centro médico. Máis tarde tamén se lesionaría Divi.
É certo que no Majadahonda tamén faltaron xogadoras da Selección Seven pero no seu caso non as ausencias non foron tan determinantes.
A única anotación local foi froito dunha carreira de Jessica Martín que rematu en ensaio e que tranformou Anita Iglesias para poñer o 7-12 no minuto 22. Esos foron os únicos puntos colleitados polas deportistas que adestra o dúo técnico conformado por Helen Roca e Jos Portos.
Logo da disputa desta xornada o Majadahonda colócase na terceira praza mentres que o CRAT queda na sexta. Próxima xornada as coruñesas visitan ao Corteva Cocos Rugby no Estadio de La Cartuja. Será o domingo 14 de novembro ás 11:30 horas. O equipo andaluz e xustamente o seu inmediato predecesor. Son quintas con 10 puntos, dous máis que as galegas.
FICHA TÉCNICA
7 ) CRAT RESIDENCIA RIALTA: Miriam, Sara, Maica; Copi (Elena, min.36), Leyre (Ale Victoria, min.50); Divi (Ana Montero, min.42), Coro (Alba, min.41), Pimi; Alejandra, Anita; Jess (Mariana, min.38), Maitane, Claudia, Tania (Paulina, min.50) e Selene.
33) MAJADAHONDA: Marta Estellés, Maca Del Valle (Laura Serrano, min. 69), Abril Martín (Zoe Marekovic, min.65); Diana Guerrero (Vico Gorroachategui, min. 52), Raquel Santiago; Cristina Hueto, Silvia Hernández, Carmen Rodera (Rocío Rodera, min. 52); Lucía Díaz, Jade Cardouat (Marta Pro, min. 52); Claudia Pérez, Marta Fresno, Alba Vives, Isabel Romón (Kimberly Marcos, min. 52) e Cristina López.
MARCADOR:
- 0-5 min. 6: Ensaio de Cristina López
- 0-12 min. 18: Ensaio de castigo
- 7-12 min. 22: Ensaio de Jess. Transforación de Anita.
- 7-19 min. 30: Ensaio de castigo.
- 7-26 min. 39: Ensaio de Cristina López que ela mesma transforma.
- 7-33 min. 44: Ensaio de Alba Vives que transforma Cristina López.
ÁRBITRO: David Joaquín Castro, auxiliado polos xuíces de liña Jacinto Campos e Max Fraga. Excluíu temporalmente con cartón amarelo polo CRAT Residencia Rialga a Anita Iglesias no minuto 29 (xogo sucio), así como a Vico Gorrochategui do Majadahonda no minuto 68 de partido (faltas reiteradas).
INCIDENCIAS: Partido correspondente á quinta xornada da Liga Iberdrola de rugby xotado na cancha do Universitario de Elviña na Coruña.
