Derrota con boas sensacións para o Aceites Abril en Madrid fronte ao CV Sanse. As ourensás caeron por tres sets a cero na pista do intratabel líder da Primeira División Nacional de voleibol na décimo sétima xornada. A pesar das numerosas baixas que contaban para o encontro, as da Cidade das Burgas plantáronlle cara as madrileñas e púsoas en serios apretos en varias fases do partido.
O equipo ourensán realizou durante todo o encontro un gran labor defensivo pero faltoulles contundencia no ataque e ao final a calidade individual das madrileñas decantou o partido ao lado local con marcadores apertados 25-19, 25-19 e 25-18.
O primeiro set comezou con dominio no marcador do conxunto ourensán que tuteaba ao líder, pero un parcial de seis a cero a mediados do set permitiu ás madrileñas despegarse no marcador e administrar a vantaxe ata o final ao que se chegou con 25-19.
O segundo set foi un calco con vantaxe inicial do Aceites Abril que obrigaba a pedir un tempo morto ao adestrador local para cortar o refacho ourensán. Aos poucos foise equilibrando o marcador ata un empate a catorce momento no que o Voleibol Sanse encadeou outro parcial de seis a cero que resultou un muro para as ourensás que cederon outra vez o set por outro 25-19.
O último tivo sempre a iniciativa das locais que puxeron rapidamente cinco puntos de diferenza nos primeiros compases do set que souberon administrar ata o final aínda que as ourensás chegáronse a situar a tan só tres puntos nos instantes finais pero o Sanse acelerou ata poñer o 25-18 final.
O Aceites Abril sitúase en quinta posición da liga e descansará a próxima xornada que coincide coa gran festa do entroido ourensán polo que as xogadoras poderán gozar dunha fin de semana festiva. O próximo partido do equipo ourensán será en Asturias fronte ao Curtidora Universidad de Oviedo o sábado 29 de febreiro.
FICHA TÉCNICA
PARCIAIS: 25-19/ 25-19/ 25-18 (3-0)
O CV Bruxas cae ante o Extremadura
O equipo galego de Bertamiráns, o CV Bruxas, perde ante o Extremadura por un axustado 2 a 3 no electrónico. A próxima semana volven a xogar na casa ante o Universidad de Salamanca, o equipo que está situado por diante delas na clasificación con dous puntos máis.
FICHA TÉCNICA
PARCIAIS: 2-3
