Logo dunha xornada que non trouxo alegrías, haberá que agardar ata despois das festas de Nadal para voltar ver os equipos galegos da Primeira División de voleibol competindo. Nesta fin de semana os resultados non foron bos. O CV Bruxas perdeu na súa visita a León ante o Aule (3-1), mentres que o Aceites Abril tampouco trouxo unha vitoria da súa visita a Canarias (3-0).
CV Bruxas leva dúas derrotas consecutivo
León presenciou a segunda derrota das santiaguesas. O CV Bruxas perde ante o Aule no pavillón da facultade das ciencias da actividade física e o deporte por 3 a 1.
Co pitido de inicio o encontro estivo moi igualado. As locais intentaron ser superiores cun bo xogo. O que fixo que gañaran o primeiro set. O CV Bruxas non quería quedar por detrás. Polo que intentaron presionar en defensa e debilitaron o Aule. As xogadoras de Bertamiráns empataron o partido.
A falta de tática e bo xogo debilitounas nos últimos xogos. Estiveron presionando ata o terceiro set. No cal non llo puxeron doado as leonesas ata que conseguiron a vitoria (25-21). O úlitmo tempo xa foi distinto. O CV Bruxas cedeu e o Aule conseguiu a vitoria.
Co a derrota, as picheleiras quedan a catro puntos dos postos de descenso. Están décimas e empatadas a puntos totais co Feel Volley Alcobendas.
FICHA TÉCNICA
SETS: 25-20, 18-25, 25-21, 25-17 (3-1)
O Aceites Abril, infestado de baixas, non tivo opcións
As baixas foron o punto débil do Aceites Abril CVO este fin de semana. Apenas tiveron opcións de competir nas Palmas de Gran Canaria. Caeron derrotadas por tres sets a cero fronto o Heidelberg.
O equipo ourensán mostrou varias carencias dende os inicios. C.D. Heidelberg saíu lanzado desde o pitido inicial. Marcaron a diferencia rapidamente cun 10-2. Pablo Pérez, o adestrador do Aceites Abril, deu paso as xogadoras do equipo xuvenil. Quería que adquiriran a experiencia necesaria para afrontar os partidos da segunda volta. Tiveron minutos as canteiranas Claudia, Nerea, Noa, Sabela, Puga e Aldara.
As xogadoras conseguiron bos puntos. Ao final, a calidade decantou un fácil 25-12, 25-12 y 25-13 para as locais.
Con este partido, puxeron fin á primeira volta. O Aceites Abril ocupa a quinta praza da Primeira División Nacional. A permanencia está acadada.
FICHA TÉCNICA
SETS: 25-12, 25-12, 25-13 (3-0)
