O Dépor ABANCA segue a sufrir. Esta sexta xornada de Liga Iberdrola foi o debut da tempada das xogadoras deportivistas en ABANCA-Riazor; un cambio de escenario que non se traduciu nun estreo na puntuación das branquiazuis. O encontro estivo moi igualado e non foi ata o último minuto cando o Sevilla FC logrou imporse.
Claudia Pina e Tony Payne foron as xogadoras que máis perigo xeraron do equipo rival, nunha primeira parte intensa e igualada entre ambos conxuntos, na que o Sevilla foi quen tivo máis ocasións de marcar. O Dépor ABANCA volveu sufrir das súas debilidades na saída de balón.
A ocasións para as de Manu Sánchez non chegarían ata o final da primeira metade. Pasado o minuto 30, Patri López tivo a oportunidade de marcar nun disparo que foise por riba do larguero. Pouco antes do descanso, Helena Torres rematou un pase ao oco de Athenea, nunha xogada que rematou en córner.
Tras o saque de esquina producíronse dúas xogadas polas que as xogadoras do Dépor ABANCA reclamáronlle á arbitra penalti: primeiro o derribo a Alba Merino e pouco despois sobre Athenea. Porén, a colexiada non sancionou ao Sevilla e deu paso ao descanso.
Coa saída na segunda metade as herculinas estiveron a piques de adiantarse no marcador, cunha ocasión de Gaby tras o centro de Patri López aos tres minutos da reanudación, rechazada pola porteira hispalense Noelia Ramos.
As xogadoras do Sevilla non se quedaron atrás e tamén tiveron perigo na área local coas penetracións de Claudia Pina, que case marca gol cun remate que marchou rozando o pao. Foi tan so minutos despois desta acción cando as sevillistas lograron marcarlle gol a Sullastres, nunha xogada de contraataque con pase de Pina a Coleman.
Con todo, as futbolistas do Dépor ABANCA seguiron loitando por puntuar, sobre todo coas constantes intervencións de Athenea. Coas entradas de Lía e Lady Andrade as herculinas comezaron a impor máis o seu xogo, e estiveron preto de marcar cun pase de Lía para Athenea que a centrou para o remate de Gaby.
Blanco anota para o Dépor ABANCA
Unha xogada de balón parado por córner permitíulles ás de Manu Sánchez marcar un tanto asinado por Stephannie Blanco tras un bo pase de Lía, a só dez minutos do pitido final. As deportivistas seguiron intentándoo con ocasións como o disparo de Alba Merino, que a porteira rival foi quen de deter en dous tempos.
Pola súa banda, o equipo rival logrou acercarse á porteria das deportivistas con moito perigo. Destacaron as xogadas de Claudia Pina, que regateou a Stephannie Blanco e rematou sen lograr meter o balón na porteria e a de Lucía, quen enganchou un rechace dun córner pero sen apuntar a porta.
Cuns últimos minutos frenéticos, o Sevilla logrou imporse ao borde da fin do encontro, nunha xogada rápida na que Ana Franco da un bo pase a Pinel, quen logrou bater a Sullastres.
Unha vez máis, a mala sorte castigou a As Nosas, ás que nin o efecto Riazor facilitoulles puntuar, polo que quedan durante outra xornada na parte máis baixa da clasificación. Aínda falta traballo para corrixir os erros das branquiazuis, polo que Manu Sánchez xa citou ás súas xogadoras para un adestramento o luns ás 17:30 horas.
Manu Sánchez cita a sus futbolistas para entrenar a las 17:30 horas https://t.co/x2zmoRpEQO pic.twitter.com/nOaRnXKejp
— RC Deportivo (@RCDeportivo) November 8, 2020
FICHA TÉCNICA
RC DEPORTIVO ABANCA: Sullastres, Blanco, Villegas, Ainoa, Patri López, Iris Arnaiz (Lady, min. 75), Alba, Carolina Arbeláez (Rosalía, min. 73), Helena (Eva Dios, min. 45), Athenea e Gabriela García
SEVILLA FC: Noelia Ramos, Lucía, Coleman (Ana Franco, min. 62), Gaitán L., Almudena Rivero, Nagore, Carla (Aivi, min. 72), Toni Payne (Inma Gabaror, min. 78), Virgy (Raquel Pinel, min. 80), Amparo (Javiera Toro, min. 71) e Pina
GOLES: 0-1 Coleman (min. 52); 1-1 Stephanie Blanco (min. 82); 1-2 Raquel Pinel (min. 95)
ÁRBITRA: María Romero Navarro (c. valenciano). Amonestou a Arbeláez (min. 45), Patri López (min. 54) e Ana Franco (min. 66).
INICIDENCIAS: Partido correspondente á 6ª xornada da Primera Iberdrola disputado no estadio ABANCA-RIAZOR, con aforo de 150 espectadores.
