O CRAT Residencia Rialta caeu por segunda xornada consecutiva nunha viaxe a Sevilla na que non contou con gran parte do seu cadro de xogadoras habitual. O resultado final, 48-7, foi unha clara mostra do dominio do Corteva Cocos Rugby en La Cartuja.
O encontro entre ambos equipos chegaba como un duelo clave á hora de definir as posicións e aspiracións de cara o resto da tempada. Tan só separados por dous puntos, CRAT e Cocos buscaban distanciarse e seguir o ronsel da cabeza da clasificación. Logo deste partido, as andaluzas seguen na loita.
#LigaIberdrolaRugby | Victorias de @Rugby_Cisneros ,@CRMajadahonda , @eibarugbytaldea y @RugbyfemSevilla en la sexta jornada para hacerse fuertes en la parte alta de la tabla. 🏉💚
📸 @jesusgarcialeo https://t.co/dgMDCLFlPc pic.twitter.com/aIQn2Ic3SI
— LigaIberdrolaRugby (@DHIberdrola) November 14, 2021
Un CRAT minguado
Logo de dúas semanas de traballo intenso, as coruñesas desprazábanse a Sevilla coa intención de volver á senda da vitoria da que descarrilaran a xornada pasada en Majadahonda. Porén, a pesar de callar unha primeira metade moi intensa e disputada, o marcador só variou en favor do Cocos. Ao remate dos corenta minutos iniciais, o CRAT perdía 17-0.
A volta dos vestiarios tampouco foi a mellor para as rapazas de Helen Roca e Jos Porto, que só conseguirían un ensaio en todo o partido. A velocidade da neozelandesa Hallet-Muhuika e o acerto nas transformacións de Lea Ducher foron incontestables. Asubío final e un doloroso 48-7 de volta para A Coruña.
Queda agora por diante unha nova semana na que repasar erros e preparar o vindeiro partido. Será outro rival complicado. O CRAT Residencia Rialta recibirá en Elviña ao Eibar Rugby Taldea, terceiro clasificado e un dos equipos máis en forma da Liga Iberdrola.
FICHA TÉCNICA
48) CORTEVA COCOS RUGBY: María Román, Margarita Rodríguez, Ana Mamea, Easter Savelio, Kassandra Sylla, Beatriz Baraia-Etxaburu, Jocelyn Jones, Tahlia Brody, Julia Castro, Blanca Ruíz, Cristina Cabas, Cristina González, Sasha Hallet-Mahuika, Marta Carmona, Lea Ducher. Tamén xogaron Marta Chacartegui, María Sobrinos, Lucía Gayoso, Irene Pascual, Laura Muñiz, Lola Gracia, Duna Gómez y Elena Peces.
7) CRAT RESIDENCIA RIALTA: Miriam Roig, Sara Antúnez, Isabel Martí, Elena Martínez, Leyre Bianchi, Maitane Buján, Divi Leis, María Vega, Ana Iglesias, Claudia Barrio, Jess Martín, Mariana Romero, Cecilia Huarte, Alejandra Fernández e Estela Salinas. Tamén xogaron Judith Hernández, Bárbara Murillo, Ana Montero e Tania Martínez.
MARCADOR:
- Min 4; 5-0 Ensaio de Hallet-Muhuika.
- Min 18; 10-0 Ensaio de Carmona.
- Min 30; 17-0 Ensaio de Sylla transformado por Ducher.
- Min 42; 22-0 Ensaio de Hallet-Mahuika.
- Min 46; 29-0 Ensaio de Savelio transformado por Ducher.
- Min 58; 29-7 Ensaio de Martí transformado por Salinas.
- Min 74; 34-7 Ensaio de Castro.
- Min 79; 41-7 Ensaio de Brody transformado por Ducher.
- Min 80; 48-7 Ensaio de Ducher transformado por ela mesma.
ÁRBITRO: Partido arbitrado por Luis Lasala no que foi auxiliado por Jaime Silva e Miguel Antonio González.
INCIDENCIAS: Encontro correspondente á sexta xornada da Liga Iberdrola de Rugby no campo de La Cartuja.
