- O conxunto vasco do Super Amara Bera Bera dominou no marcador ambas as metades da final da Summer BAG Experience 2023.
- O Mecalia Atlético Guardés non conseguiu frear os ataques rivais e tivo pouco acerto para portería.
O Mecalia Atlético Guardés caeu diante o Super Amara Bera Bera na final da Summer BAG Experience 2023. No comezo do partido, as defensas impuxéronse aos ataques, e ambos os equipos estiveron imprecisos nas súas posesións. Froito diso, nos primeiros 5 minutos tan só anotáronse tres goles (2-1 a favor do Bera Bera).
O conxunto vasco logrou, aos poucos, facerse co partido, grazas sobre todo á participación goleadora de Malena Cavo, que materializou cinco tantos nos primeiros minutos.
O pouco acerto do Mecalia Atlético Guardés en ataque, e a eficiencia do Bera Bera, obrigou a Cristina Cabeza a solicitar tempo morto no minuto 19 e a realizar catro cambios (ingresaron na pista África, Pauli, Cris Cifuentes e Ania).
A brillante actuación en portería de Estela Carrera propiciou que o cadro miñoto reducise distancias no marcador ata igualar o encontro. A pesar diso, no tramo final da primeira metade, o equipo vasco volveu mellorar en defensa cunha gran Alice Fernandes e recuperou o olfacto goleador, chegando ao descanso cun 14-11.
Ao comezo do segundo tempo, o guión de partido foi o mesmo. Ao Mecalia Atlético Guardés custáballe superar a defensa das locais, cunha gran Maddi Aalla baixo paus.
O Bera Bera mantivo a súa superioridade no electrónico durante o segundo tempo, pero as galegas foron igualando o envite aos poucos. Chegado o minuto 22 da segunda parte e grazas a unha gran María Sancha, o cadro dirixido por Cristina Cifuentes volveu poñer as táboas.
O adestrador do conxunto vasco, Imanol Álvarez, pediu tempo morto nese momento para tratar de pausar o refacho do cadro miñoto, o cal lle saíu á perfección. As locais volveron ao partido máis sólidas defensiva e ofensivamente, e volvéronse a facer co partido.
O equipo rival conseguiu levar a vitoria ao final dos 60 minutos, impoñéndose por 30-27. Deste xeito, o Super Amara Bera Bera proclamouse, xustamente, vencedor da Summer BAG Experience 2023.
FICHA TÉCNICA
30) SUPER AMARA BERA BERA (14+16): Alice Fernandes, Esther Arrojeria (3), Mariane Fernandes (4), Marie Louis (1), Malena Cavo (5), Maitane Etxeberría, Lyndie Tchapchet (7), – 7 inicial-, Maddi Aalla, Emma Boada (2), Alba Menéndez, Laura Hernández (1), June Loidi, Anne Erauskin (1), Giulana Gavilán (3), Carmen Arroio (3).
27) MECALIA ATLÉTICO GUARDÉS (11+16): Miriam Sempere (p.) (1), Blazka Hauptman (1), Cecilia Cacheda (2), María Sancha (6), Elena Amores (2), Itziar Martínez (3), María Palomo (3), -7 inicial-, Ronsel Carrera (p.), África Sempere (2), Cristina Cifuentes (2), Pauli Fernández (4), Ania Ramos (1), Sandra Radovic, Carmen Magallanes, Ángela Portela.
PARCIAIS: 1-1, 3-3, 7-5, 9-7, 10-10, 14-11 – descanso – 17-13, 18-15, 21-17, 22, 21, 26- 25, 30-27.
ÁRBITROS: Pablo Casteláns e Pablo González.
