O Pazo Provincial acollía esta tarde (4 de xaneiro) o Valencia de Tamara Abalde. Era o último encontro entre o Ensino e as valencianas na Liga Endesa. Pero non da tempada. Xa que poden ser rivais na Copa da Raíña. O sorteo farase nas próximas semanas (o 14 de xaneiro, ás 12.30 horas)
Está claro que non son as mesmas xogadoras do segundo partido da primera volta da Liga Endesa. Naquel perderon por unha diferencia moi abundante (95-49). Pero en Lugo, quedáronse a tan só tres puntos da vitoria (70-73).
Ata o día do partido, Kalis Loyd era dúbida por unha lesión no nocello. Pero saíu no quinteto de gala de Carlos Cantero. A encargada de subir o balón e dirixir ás catro xogadoras restantes era Aleksandra Stanacev. Nos aleiros estaban Atonye Nyingifa e Loyd. Nos pivotes, Britanny Miller e Bea Sánchez.
No primeiro tempo non comezaron moi acertadas. As xogadoras lucenses tardaron en atopar o xogo que as caracteriza. A única que intentaba manter arriba as locais era Stanacev. Estiveron moi por debaixo do Valencia. O cal traducía o seu control do balón no electrónico. A máis destacada era a galega.
Tamara Abalde, coa súa boa mecánica de tiro, metía todo o que se propoñía. Ademais axudaba as súas compañeiras con asistencias. Queralt Casas e Joy Brown tamén se encargaron de facer dano nos tiros. A canastra era como unha piscina para Casas. E, así conseguiron levarse o único cuarto que gañaron ás lucenses cunha vantaxe de dez puntos (13-23).
A peza clave do Ensino estivo nos vindeiros trinta minutos
Nos seguintes trinta minutos o partido foi completamente novo. Antes do descanso, as de Cantero atoparon a peza clave para pisarlle os talóns as valencianas. Cunha gran Fiona O’Dwyer, que as enchufaba desde calquera punto da zona, o Ensino intentaba poñerse por riba.
Britanny Miller collía moi ben os rebotes das canastra falladas das rivais. Presionaba tanto que desestabilizou as de Tamara Abalde e fóronse o tempo de descanso cun parcial moi preto de 31 a 39.
O paso polo vestiario renovou máis aínda as de Lugo. Querian por todos os medios levarse a vitoria na súa casa. Ante a súa afección. As do Durán Maquinaria saíron máis metidas ca nos dez minutos anteriores. O xogo xa fluía só. Carlos Cantero estaba moi contento coa progresión das súas xogadoras. Nyingifa e Laura Aliaga fixeron moito dano o conxunto dirixido por Ruben Burgos.
O aluvión local deixou todo por decidir no último cuarto. Pecharon un terceiro, seis puntos por debaixo: 50-56. Pese aos triples de Joy Brown, ás galegas acompañáballe a inercia. As valencianas tiveron moitos problemas en ambos lados da pista. Só sobresaían no rebote defensivo.
As de cor laranxa no ataque xa non mantiñan o mesmo ritmo. E na defensa eran un coador. O que traduxeron as do Ensino para poñerse a tan só un punto de desvantaxe. A encargada foi Laura Aliaga. O gran traballo de Queralt e de Tamara Abalde non eran suficientes. O trío formado O’Dweyner, Miller e Nyingifa convertéronse no pesadelo para a defensa valenciana.
A menos de cinco minutos, as tornas cambiaron no transcurso do encontro. A Queralt Casas non lle temblou o pulso. Desde a liña de 6,75 metros tirou e anotou un triple moi decisivo para o seu conxunto. A menos de dous, os adestradores pedían cada dous por tres tempos mortos. Calquera segundo sería decisivo a partir de aquí.
Carlos Cantero e Rubén Burgos querían a vitoria como fora. Pero, a menos de un, as da cidade da muralla non atopaban a canastra. Estaban a un tiro de tres para forzar a prórroga. O que fixo que Carlos Cantero demandara o último tempo.
Cantero explicoulles a xogada para o empate. As xogadoras saían a pista coas ideas claras. Mais o minuteiro non deixaba de correr. Pero de repente, os nervios apareceron no Pazo Provincial. Unha perda de balón fixo que as lucenses deixaran escapar o encontro.
O Ensino segue na mesma posición da táboa. Son oitavas na clasificación. A semana que ven, viaxan ata Zamora. O seu rival será o Quesos el Pastor o sábado 11 de xaneiro, ás 18.00 horas.
FICHA TÉCNICA
DURÁN MAQUINARIA ENSINO: Kalis Loyd, Aleksandra Stanacev, Atonye Nyingifa, Britany Miller, Bea Sánchez—quinteto inicial—, Ainhoa López, Laura Aliaga, Shereesha Richards e Fiona O’Dwyer.
VALENCIA B.C.: Anna Gómez, Queralt Casas, Tamara Abalde, Meiya Tireta, Joy Brown—quinteto inicial—, Irene Gari, Marina Lizarazu, Jana Raman e Julia Reisingerova.
ÁRBITROS: Ángel Antonio Albacete Chamon, Antonio Manuel Zamora Rodríguez e Sandra Sánchez González.
PARCIAIS: 12-23, 19-16, 19-17, 20-17 (70-73)
