A derrota colleitada polo Durán Maquinaria Ensino na cancha do Embutidos Pajariel Bembibre PD (73-59) sitúa ao conxunto galego que adestra Antonio Pernas. O resultado coloca ás lucenses no posto 10 da clasificación na Liga Femenina Endesa e as de León no 8º. É dicir, que o Durán Maquinaria Ensino de Lugo afástase da posibilidade de acadar un posto na fase final da Copa da Raíña.
Aínda teñen as galegas un último chanzo para facerse cun sitio nesa fase final do torneo do KO, será o mércores cando reciban no Pazo ao Lointek Gernika Bizkaia. Terán que gañar e agardar outros resultados para ver se entran no corte.
O conxunto leonés impúxose ás galegas nos cuatro cuartos do choque. No primeiro pola mínima (18-17) No segundo cun pouco máis de marxe (21-17) chegando ao descanso cun 39-34 no electrónico do Bembibre Arena. No terceiro e cuarto período a vantaxe das locais foi aumentando ata chegar ao definitivo 73-59.
Antonio Pernas, adestrador do Durán Maquinaria Ensino: “O Bembibre é xusto vencedor do partido. Levaron o encontro a un nivel físico que non fomos quen de igualar durante moitos momentos do choque. Tivemos as nosas opcións ao descanso, incluso en momentos puntuais do último cuarto de tentar entrar no partido. Pero cando encadeabamos dúas accións boas, viñan tres ou catro negativas e o balanzo final é negativo”
Antonio Pernas, adestrador do Durán Maquinaria Ensino, explicaba ao final do choque que tocaba dar a “noraboa ao Bembibre, xusto vencedor do partido. Levaron o encontro a un nivel físico que non fomos quen de igualar durante moitos momentos do choque. Tivemos as nosas opcións ao descanso, incluso en momentos puntuais do último cuarto de tentar entrar no partido. Pero cando encadeabamos dúas accións boas, viñan tres ou catro negativas e o balanzo final é negativo. Nos balóns divididos as xogadoras de Bembibre tiñan un punto máis de ambición”.
Segundo analizaba o adestrador das galegas: “Defensivamente cometimos error que pagamos con canastras doadas de Bembibre, 73 puntos son unha barbaridade. Aínda así tivemos opcións, puxémonos a tiro pero non tivemos o tino preciso para rematar de nos crer que estamos dentro do partido. Botamos en falta un pouco máis de orgullo e corazón nos minutos finais. Reducimos a vantaxe pero non fomos quen de dar ese puntiño máis”.
Antonio Pernas: “Botamos en falta un pouco máis de orgullo e corazón nos minutos finais. Reducimos a vantaxe pero non fomos quen de dar ese puntiño máis”
O partido contra do Lointek Gernika Bizkaia está fixado para o mércores 27 de decembro ás 19:00 horas con arbitraxe de Jacobo Rial Barreiro, Asunción Langa de Martín e Eduard Colomer Castello.
FICHA TÉCNICA
73) EMBUTIDOS PAJARIEL BEMBIBRE PD (18+21+17+17): Carolina Silva (8), Helena López Vives (12), Palma (5), Whalen (12) e Aijanen (4) – quinteto inicial -. Tamén xogaron: Ainhoa Lacorzana Gervasino (17), Laia Moya, Laura Westerik (1), VAnessa Austin (9) e Veera Annika Pirttinen (5).
59) DURÁN MAQUINARIA ENSINO LUGO (17+17+13+12): Ane Olaeta (5), Alba Prieto (7), Paula Ginzo (17), Laura Aliaga (2) e Margaret Roundtree (12) – quinteto inicial -. Tamén xogaron: Lorena Segura (2), Esther Castedo (3), Britany Miller, Lydia Giomi (11) e María Mariañez Vendrell (-).
PARCIAIS: 18-17, 39-34 – descanso-, 56-47 e 73-59.
EQUIPO ARBITRAL: Mikel Cañigueral Novella, Asier Quintas Álvarez e Jorge Caamaño Muñoz.
INCIDENCIAS: Partido correspondente á xornada 13ª da Liga Femenina Endesa disputado no pavillón Bembibre Arena cunha boa entrada de público.
