Pouco puido facer o Ulla Oil Rosalía diante dun Extremadura Miralvalle disposto a deixarse a pel para acadar a cuarta praza da LF2. As galegas caeron derrotadas por 63-46 (38-29 ao descanso).
A diferencia de calidade entre ambas as dúas plantilla fíxose patente sobre o parqué da Ciudad Deportiva, sobre todo logo de que o equipo que adestra Chiqui Barros tivese que afrontar o partido con xogadoras tocadas (Sarai Carro e Carla García) e sen a súa brasileira Leticia Soares.
Con todo, as santiaguesas non llo puxeron doado ás extremeñas e venderon cara a súa pel. So no primeiro parcial as locais obtiveron unha diferencia clara coas galegas (22-16), no segundo o Ulla Oil Rosalía FEDESA quedaba unha tripla por debaixo do Miralvalle (16-13). Chegouse ao descanso cun 38-29 no marcador.
Á volta de vestiarioas as compostelás tiraron partido dos erros do Miralvalle e se aplicaron en defensa, así conseguían un parcial de 15-12 que deixaba o partido cun 53-41 no último cuarto.
Pero o cansanzo pasoulle factura ás galegas que non puideron dar un empurrón final ao seu xogo, ao contrario, viron como o Extremadura Miralvalle acadaba un 10-5 no derradeiro período que colocaba o resultado final un 63-46.
A xogadora con maior valoración do encontro foi Princess Aghayere Tegheosase con 24, moi por encima dos 10 puntos de valoración de Blanca Maniesa e Nerea Lista, as xogadoras que obtiveron mellores cifras no Ulla Oil Rosalía.
Alicia Morales: “Atragantousenos a defensa do Rosalía”
A capitá do Extremadura Miralvalle, Alicia Morales, sinalaba logo do partido coas galegas que foi un “partido moi difícil. Atragantousenos un chisco a defensa que nos propuxeron desde o Ulla Oil Rosalía. Tivemos momentos de rachas e soubemos sacar o noso lado forte e gañar o partido que era o que viñamos buscando”.
Declaraciones de nuestra capitana, Alicia Morales, (@AliciaMS10 ) después de la victoria de ayer ante Ulla Oil Rosalía.@dxtplasencia @FJyD @DXTextremadura #corazónazulyblanco pic.twitter.com/spboyYvKRT
— CP Miralvalle (@CPMiralvalle) February 7, 2021
As de Chiqui Barros afrontarán a vixésima xornada na LF2 na décima posición cos mesmos puntos que Maristas e Arxil e so un máis ca AD Cortegada. Tócalle recibir ao Vega Lagunera Adareva Tenerife en Compostela.
FICHA TÉCNICA
63) EXTREMADURA MIRALVALLE: Alicia Morales (3), Sofía Ainsa (12), Tia Weledji (14), Princess Aghayere (21) e Stacia Robertson (12) – quinteto inicial -. Tamén xogaron: Chagas (0), Nati Pizarro (0), Lucía Moreno (0), Lidia Francisco (1) e Andrea Cueva (0).
46) ULLA OIL ROSALÍA: Sara Corredoira (2), Ángela González (2), Carla García (6), Blanca Manivesa (10), Paula Rivas (2) – quinteto inicial -. Tamén xogaron: Ana de Matias (0), Nuria Choren (5), Sarai Carro (6), Clara Riera (4) e Nerea Liste (9).
PARCIAIS: 22-16, 16-13, 15-12 e 10-5.
ÁRBITROS: Saúl Pérez Fernández e Raúl Aguilera Mellado. Sen eliminadas.
INCIDENCIAS: Partido da 19ª xornada da Liga Feminina 2 disputado no pavillón da Ciudad Deportiva de Plasencia. Sen público.
