O Durán Maquinaria Ensino volveu caer na segunda xornada da Liga Endesa. Foi un partido disputado na casa dun recén ascendido, o Movistar Estudiantes. Nun cruce, competido, serio e de nivel, destacado pola igualdade de ambos os dous conxuntos durante o encontro e en case todos os aspectos estatísticos. Como adoita contecer nestes casos, finalmente foron os pequeños detalles os que se resolveron o partido e decantaron a balanza a favor das madrileñas por un tanteo final de 83 – 71.
As lucenses competiron durante todo o partido guiadas por Vega Gimeno e Hempe (22 de valoración) que repetía como a mellor do equipo. Pero a pesar das boas sensacións en determinados momentos do choque, a irregularidade mostrada pasoulles factura.
Ayer la elegisteis MVP del partido y la #LFEndesa también la ha escogido!
2/2 @HempeDoesIt
🏀16 puntos y 8 rebotes para seguir creciendo. #SomosEnsino pic.twitter.com/uZanQLvTsd
— Ensino Lugo (@EnsinoLugoCB) September 28, 2020
O equipo estudiantil colleu vantaxe no primeiro cuarto (16-13) e mantivéronse consistentes no seguinte parcial, da man dunhas inspiradas Carter e Knight, para chegar ao descanso arriba (35-27).
Na reanudación, o equipo lucense mellorou as súas porcentaxes de tiro pero cada arreón das galegas era respostado con consistencia polo equipo madrileño, que soubo impoñerse no rebote e ser máis eficaz nos momentos importantes do encontro.
A valoración de Carlos Cantero, técnico do Ensino
O adestrador das lucenses, Carlos Cantero, lamentábase ao final do partido de que no foron capaces de encadear máis de 5 minutos bos : “mesturamos partes onde non conseguíamos elaborar un bo xogo nin encadear boas defensas e partes onde si que nos animábamos e atopabamos o aro máis fácil”.
Segúndo explica o preparador do Durán Maquinaria Ensino o equipo galego, durante a segunda parte perdeu “a loita do rebote e cada ataque delas era canastra en segundas oportunidades ou faltas e con iso é difícil gañar”.
Carlos Cantero, adestrador do Durán Maquinaria Ensino: “Na segunda parte perdemos a loita do rebote e cada ataque delas era canastra en segundas oportunidades ou faltas e con iso é difícil gañar”.
Ao final desta segunda xornada de liga o o Durán Maquinaria Ensino de Lugo quedouse cunha sensación agridoce xa que, a pesar da derrota, puido competir ata o final.
En todo caso, a tempada 2020-2021 non fixo máis que comenzar para as xogadoras da cidade da muralla. De seguir nesta dinámica de xogo, pulindo algúns pequeños detalles, de seguro que os resultados chegarán para as rapazas que adestra Carlos Cantero.
A próxima semana xogará na casa contra o IDK Euskotren que gañou na primeira xornada e ven de perder na segunda contra o Spar Girona. Será unha boa oportunidade para darlle unha alegría a afición e comezar cunha dinámica positiva de cara a loitar polos postos de play-off polo título da Liga Endesa.
FICHA TÉCNICA
DURÁN MAQUINARIA ENSINO: Merritt Hempe (16), Vega Gimeno (16), Aleksandra Stanacev (6), Laura Aliaga (-), Bea Sánchez (12) – quinteto inicial-, Natalie Van den Adel (-), Marta Tudanca (2), Chatrice Marie White (2), Alba Prieto (8), Alicia Villegas (9).
MOVISTAR ESTUDIANTES: Gracia Alonso (8), Jennifer Nyingifa (16), Melisa Gretter (6), Jana Raman (9), Leslie Knight (13) —quinteto inicial—, Carmen Grande (4), Cristina Mato (-), María Espin (2), Sofía Gomes (9), Arica Carter (16), .
ÁRBITROS: Asier Quintas Álvarez, Juan Manuel Uruñuela Uruñuela e Javier Ávila Zurita
INCIDENCIAS: Pabellón António Magariños de Madrid.
PARCIAIS: 16-13, 19-14, 20-17 e 28-27 (83-71)
