Derrota do Dépor ABANCA no seu segundo amigable de pretempada. Na súa preparación de cara ao seu concurso por segundo ano consecutivo na Primera Iberdrola as deportisvistas que adestra Manu Sánchez mediron forzas sen éxito con conxunto luso do FC Famalicão que as venceu por un marcador de 0-2.
Para este partido amigable Manu Sánchez non puido contar con Kika, Kenni e Athenea por lesión, así como con Peke, por estar convocada coa Selección Española.
O equipo portugués, correúdo e difícil de superar, milita na Primeira División do país veciño e supuxo un interesante test para as branquiazuis.
Apiques estivo o resultado de ser 1-1 pero xusto logo dun tiro ao traveseiro das locais, co marcador 0-1, as lusas marcaron o segundo de penalti. O encontro estaba xa en tempo engadido polo que os goles de Cris e Gaby, por parte portuguesa, outorgaron o triunfo ás futbolistas do FC Famalicão.
Esta é a primeira derrota en pretempada para as galegas que antes xa se mediron ao CD Parquesol impoñéndose por 3-0 con gloes de Helena Torres, Ainoa e Cris.
Co partido ante as portuguesas péchase a semana de traballo do equipo branquiazul. O Dépor ABANCA regresa aos adestramentos o luns 21 de setembro ás 17:30 en Abegondo.
Xogaron por parte do RC Deportivo ABANCA:
Once inicial: Noelia Bermúdez, Patri López, Stephanie, Bedoya, Villegas, Iris, Lady, Carlota, Gaby, Michele Romero e Helena Torres.
Tamén xogaron: Sullastres, Cris, Ainoa, Carolina Arbeláez, Eva Dios e Tati.
