A igualdade dominou o xogo nos tres primeiros sets pero no cuarto, o conxunto grancanario do CV Sayre La Ballena fixo valer a súa mellor posición na táboa e xogar en cancha propia para rematar vencendo 3-1 ás galegas do CV Arenal Emevé de Lugo.
O primeiro set foi para as locais do Sayre por 25-21 logo de 25 minuto sde xogo. Os mesmos que empregou o equipo que adestra Charly Carreño para levar o segundo por 22-25 e igualar o global do encontro 1-1.
A puntilla do Sayre no cuarto set
No terceito seto o triunfo foi para as locais por 26-24 en 28 minutos. O conxunto grancanario finiquitaba o partido vencendo con claridade o cuarto e definitivo set por 25-15 en 21 minutos froito do seu acerto ofensivo, e deixando o partido en 3-1 para as canarias.
As lucenses do CV Arenal Emevé Lugo finalizan esta xornada 21ª da Liga Iberdrola ubicadas na oitava praza da clasificación con 27 puntos no seu casilleiro. Mentres que o CV Sayre La Ballena queda quinto con 33 puntos. Con este resultado o conxunto local depende de si mesmo para entrar nos play-off polo título.
O seguinte rival das galegas será o Cajasol Vóley Dos Hermanas que visita o pazo o vindeiro sábado 18 ás 19:00 horas. As sevillanas son cuartas e chegarán a Lugo logo de vencer 3-1 ao Ocisa Haro Rioja Vóley, o inmediato perseguidor do CV Arenal Emevé na táboa (noveno cun punto menos cas galegas).
FICHA TÉCNICA
SAYRE LA BALLENA: Beatriz Novoa, Blanca Martínez, Domingas Soares, Marta Santos, Mary Brown e Silvia Araco – sexteto inicial -. Tamén xogaron: Laura Juan (líbero) e María Bouza.
CV ARENAL EMEVÉ: Valentina Galiano, Carolina Camino, Candela López, Jimena Gayoso, Lucía Prol e Marcella Amaral – sexteto inicial -. Tamén xogaron: Eliana González (líbero), Lidia Figueira (líbero), Ainara Burgo e Alejandra López.
PARCIAIS: 25-21 (25 min.). 22-25 (25 min.) 26-24 (28 min.) e 25-15 (21 min.)
EQUIPO ARBITRAL: Patricia Gozálvez Belmonte e Joaquín Barceló Trigueros.
INCIDENCIAS: Partido correspondente á 21ª xornada da Liga Iberdrola de voleibol disputado no Centro Insular de Deportes de Gran Canaria diante de 150 persoas nas bancadas do recinto deportivo.
