O terceiro clasificado, o CV Haris Tenerife Libby’s La Laguna visitaba a cancha do CV Arenal Emevé de Lugo. As galegas fixéronlle fronte a un equipo da zona alta como é o tinerfeño. Apuntáronse as pupilas de Charly Carreño o primeiro set e o terceiro pero as tinerfeñas forzaron o quinto. Ao final, pagaron o esforzo físico e as visitantes souberon tirar partido dos poucos erros cometidos polas locais.
́ ✍️ Remontada y victoria ante un exigente @cvemevelugo (3-2)
Todos los detalles del partido https://t.co/TdEaYd93Xm
#TenerifeDespiertaEmociones #VisitTenerife #DeporteParaTi #TenerifestVolley pic.twitter.com/h9jl4SthGG
— Club Voleibol Haris (@CVHaris) March 4, 2023
Máis de trinta minutos de xogo empregaron as lucenses para levarse o primeiro set por 26-24. Xa quedou claro desde o arranque que o triunfo neste partido había de ser loitado. E foino.
O CV Emevé cede o segundo set
No segundo a vitoria foi para as tinerfeñas do CV Haris Tenerife Libby’s La Laguna por 23-25 en 28 minutos. E no terceiro volveron a poñerse 2-1 por diante as xogadoras do CV Arenal Emevé de Lugo cun tanteo de 27-25 superando de novo a media hora de xogo.
O cuarto foi para as isleñas que en 24 colocaban o 2-2 no global do choqu con parcial no set de 19-25. No quinto set o esforzo acumulado e a veteranía das tinerfeñas fixeron que, sen fallar no bloqueo, o partido caese do bando visitante cun 8-15 en 18 minutos.
Charly Carreño: “Se ao CV Haris lle fallas un par de pelotas, págalo”
O adestrador do CV Arenal Emevé de Lugo, Charly Carreño, apuntaba tras a derrota no quinto set co CV Tenerife Libby´s La Laguna que o punto sabía a pouco de cara ás aspiracións das galegas. O técnico das galegas tiña sentimentos encontrados ao final do partido. Explicaba: “Foi un partido bo pero a estas alturas do ano un punto quédasenos curto para o obxectivo do equipo”.
Na súa análise do encontro Charly Carreño manifestaba na canle de YouTube do club lucense ao final do cruce que fora: “Un partido moi bonito ante un rival que concede pouco. Para poder estar ante este rival hai que estar moi concentrada durante todo o encontro, xa que é un contrincante que permíteche equivocarte moi pouquiño.
O partido foi bo, pero é certo que a estas alturas do ano un punto quédasenos curto para o obxectivo do equipo”.
Segundo manifestaba Charly Carreño: “Tivemos momentos de set, incluso no terceiro, logo de perder, remontamos contra un rival así, con moita agresividade no saque, e logo con outro grupo de xogadoras que tacticamente no saque íao facendo bastante ben, por momentos estivo o equipo ordenado, por momentos xogamos moi rápidos e moi ben… pero en canto a este rival, ao CV Haris, lle fallas un par de pelotas ao final págalo moito”.
O seguinte partido do CV Arenal Emevé leva ás galegas a xogar en Gran Canaria, no Centro Insular de Deportes contra o CV Sayre CC La Ballena. Será o sábado 11 de marzo ás 18:00 horas.
FICHA TÉCNICA
2) CV ARENAL EMEVÉ: Carolina Camino, Candela López, Jimena Fernández, Lucía Prol, Marcella Amaral e Valentina Galiano – sexteto inicial -. Tamén xogaron: Julia Paradela, Aylen González (líbero), Ainara Burgo, Alejandra Pérez, Sara Folgueira e Lidia Figueira (líbero).
3) CV TENERIFE LIBBY´S LA LAGUNA: Brooke Kanas, Julie Lengweiler, Laura Rodwald, Meg Wolowics, Patricia Aranda e Bella Nsunguimina – sexteto inicial -. Tamén xogaron: Elena Aran, Daysa Delgado, Hilda Gustafsson e Patricia Llabres (líbero).
PARCIAIS: 26-24 (32 min.), 23-25 (28 min.), 27-25 (31 min.), 19-25 (24 min.) e 8-15-(18 min.)
EQUIPO ARBITRAL: David Escobar Cristóbal e Daniel Gálvez.
INCIDENCIAS: Partido correspondente á vixésima xornada da Liga Iberdrola femenina de voleibol disputado no Pabellón Municipal dos Deportes de Lugo.
